1 Maji – Dita e Punëtorëve përveç që është ditë feste ku sektori publik dhe institucione të ndryshme nuk zhvillojnë aktivitetin e punës, kjo ditë për kosovarët më shumë i dedikohet pushimit dhe relaksit në vende të ndryshme kudo në vend dhe sidomos në natyrë, raporton Gazeta Sinjali.

 

Megjithatë, edhe në këtë ditë pushimi, u zhvilluan protesta e marshe protestuese në Prishtinë.

 

Kolektivi Për Mendim dhe Veprim Feminist ka organizuar marsh protestues për rrugët e kryeqytetit.

 

“Poshtë kapitalizmi, liri klasës punëtore”, “Për shoqëri të lirë dhe të barabartë”, ‘Meritojmë paga dinjitoze”, Barazia është themeli i lirisë”, ishin këto disa nga parullat që aktivistët mbanin nëpër duar derisa marshonin në rrugët e Prishtinës.

 

Pamjet e mëposhtme janë nga marshi protestues, i cili u përcjell nga ekipe të policisë, por nuk mungonin as ushtarët e KFOR-it.

 

Për nder të kësaj dite, në Prishtinë kanë protestuar edhe SBASHK-u, sikurse edhe ish-punëtorët e KEK-ut.