Kryetari i LDK-së, Lumir Abdixhiku në një postim në rrjetin social Facebook, ka njoftuar se nga 1 maji pjesë e partisë së tij është edhe gjenerali Fadil Hadërgjonaj.
Në këtë postim, Abdixhiku ka publikuar një biografi të shkurtër të Hadërgjonajt.
“Gjeneral Fadil Hadërgjonaj, nga sot është pjesë e Lidhjes Demokratike të Kosovës. ‘Bjeshka’ siç e thërrasin shokët e luftës, është një prej figurave më të shquara e të njohura në fushën e mbrojtjes dhe sigurisë. Fadili shkollimin e kreu në vitin 1989, në Akademinë Ushtarake të ish APJ-së, në drejtimin ‘Mbrojtja e Hapësirës Ajrore’, për të vazhduar më pas në Shkollën Komando Shtabore në vitin 2008. Ndërsa vazhdoi shkollimin në Akademinë për Mbrojtje në Britaninë e Madhe gjatë viteve 2011 – 2015. Në vitin 2018 magjistroi në Shkencat e Sigurisë në Prishtinë”, ka shkruar Abdixhiku për anëtarin më të ri të LDK-së.
“Fadil Hadërgjonaj për kontributin dhe shërbimin e tij të jashtëzakonshëm në karrierë morri medaljen e shërbimit dhe medaljen e karrierës nga Ministria e Mbrojtjes së Republikës së Kosovës. Na priftë e mbara Gjeneral!”, ka shkruar ai.
© SYRI.net
Osmani nderon Monumentin Kombëtar të Përkujtimit në Danimarkë
Berisha: Si mund të pranojmë si kryeministër një antishqiptar, i cili që kur ka ardhur në pushtet, i fut Kosovës vetëm thika pas shpine
Qëlloi kryeministrin sllovak: E bëra se nuk bie dakord me politikat e qeverisë
Denonco
Merrni lajmet më të fundit nga SYRI.net në çdo moment dhe kudo që të jeni!
