Në kuadër të vizitës dhe pjesëmarrjes së bizneseve nga Kosova në panairin Hannover Messe 2024, nën organizimin e Agjencisë për Investime dhe Përkrahjen e Ndërmarrjeve në Kosovë, kryeministri Albin Kurti dhe ministrja e Industrisë Rozeta Hajdari morën pjesë në prezantimin dhe diskutimin me biznese.
Në fjalën e tij, kryeministri shtjelloi faktorët kryesorë që e bëjnë Kosovën destinacion të veçantë për investime nga Gjermania.
Ai faktorin e parë e renditi besimin e fortë dhe lidhjet historike ndërmjet Kosovës dhe Gjermanisë, të përforcuara nga diaspora, pasuar nga ndryshimet gjeopolitike dhe ekonomike që e bëjnë Kosovën vend të përshtatshëm për afrim dhe përkushtimin për demokraci dhe liri ekonomike.
Dinamizmi ekonomik, gatishmëria për investime, rritja e bruto produktit vendor dhe projektet e mëdha infrastrukturore, përfshirë ato në fushën e energjisë, Kurti i përmendi si faktor të tretë, teksa sektorin e teknologjisë dhe atë të prodhimit bashkë me përparësinë konkurrues dhe frymën innovative, si faktor të katërt.
Kurti ftoi kompanitë të eksplorojnë mundësitë që ofron Kosova dhe ta vizitojnë atë që të njëjtat t’i shohin nga afër.
© SYRI.net
Tragjedia në Shkodër, vijon edhe gjatë natës kërkimi në lumin Bunë për nënën dhe dy fëmijët
Basha i reagon AGK’së dhe Reporterëve Pa Kufij, zbrapset pak nga gjuha nxitëse: S’po sulmoj, po bëj kritikë
Dita e dëshmorëve të kombit shqiptar, Kurti: Jeta e tyre është e paçmueshme në të gjitha kohët
Denonco
Merrni lajmet më të fundit nga SYRI.net në çdo moment dhe kudo që të jeni!
