Sot në ora 17:47 policia rajonale e Ferizajt pranoi një informatë se në udhëkryqin e rrugëve “Ramadan Rexha & Uran Tinova” në Ferizaj është një lëndim i rëndë trupor.
Patrullat e policisë menjëherë kanë dalë në vendin e ngjarjes, të cilët kanë mësuar se një person me një armë të ftohtë (thikë) ka lënduar rëndë një person tjetër mashkull, të moshës 20 vjeçar dhe është larguar në drejtim të panjohur.
I lënduari është dërguar menjëherë për ndihmë mjekësore në Qendrën Emergjente në Ferizaj, e më pas për tretman të mëtutjeshëm mjekësor është transportuar për në Qendrën Klinike Universitare në Prishtinë.
Ekipe të policisë, policët e rendit, hetuesit e stacionit dhe hetuesit rajonal, të mbështetura edhe nga njësi të tjera, kanë identifikuar të dyshuarin E.C (M/K) i moshës 17 vjeçar dhe menjëherë kanë rrethuar zonën përreth.
Pas një pune intensive në terren, në orën 19:30 kanë arritur të arrestojnë të dyshuarin e kësaj ngjarje dhe e kanë shoqëruar në Sektorin Rajonal të Hetimeve në Ferizaj për procedura tjera hetimore.
Gjithashtu, në vendin e ngjarjes kanë dalë hetuesit dhe krim-teknikët rajonal, të cilët janë duke ekzaminuar vendin e ngjarjes, ndërsa për të gjitha veprimet policore është njoftuar prokurori kujdestar, i cili ka vendosur për ndalimin e të dyshuarit për 24 orë.
© SYRI.net
Haxhiu: Korrupsioni ka emër, Abin Kurti
Zhvillime në rastin e vrasjes së Liridona Ademajt, lirohet njëri nga të dyshuarit – mbrohet në liri
Parlamenti britanik miratoi mocionin e Alicia Kearns për Kosovën
Denonco
Merrni lajmet më të fundit nga SYRI.net në çdo moment dhe kudo që të jeni!
