Kryeministri i Kosovës dhe lideri i Vetëvendosjes, Albin Kurti tha sot se edhe dy ditë, më 16 prill, do të jetë votimi më i rëndësishëm në procesin e anëtarësimit të Kosovës në Këshillin e Evropës, kur ai pret që Asambleja Parlamentare të rekomandojë anëtarësimin e plotë të Kosovës pa parakushtet dhe shënimet shtesë.
Kurti, në seancën e Këshillit të Përgjithshëm të Lëvizjes Vetëvendosje, ka theksuar se Kosova sot është në një situatë shumë më të favorshme dhe se raporti i Dora Bakoyannis rekomandon anëtarësimin e plotë pa kushte shtesë.
“Raporti dhe opinioni i Dora Bakoyannis njeh përmbushjen e të gjitha parakushteve dhe tregon qartë se detyrimet tjera të Kosovës duhet të përmbushen pas anëtarësimit. Më 16 prill do të kemi votën më të rëndësishme në procesin e anëtarësimit në Këshillin e Evropës. Pritet që Kuvendi Parlamentar të miratojë mendimin e Bakoyannis, i cili rekomandon anëtarësimin e plotë të Kosovës pa asnjë parakusht shtesë dhe pa fusnota”, tha Kurti.
Ai ftoi diasporën të marrë pjesë në zgjedhjet për Parlamentin Evropian më 9 qershor.
Ai shtoi se kjo datë është e rëndësishme për Bashkimin Evropian, dhe për mbarë Evropën, sepse sipas tij, që nga zgjedhjet e para për Parlamentin Evropian në vitin 1979, Evropa nuk ka qenë kurrë më e kërcënuar se sot.
“Bashkimi Evropian po përballet gjithashtu me zgjedhje dhe vendime të mëdha. Ai po përballet me agresionin ushtarak dhe fashizmin e diktaturës ruse, e cila siç dihet ka aleatët e saj në Evropë. Miqtë e tyre janë nënvlerësuar padrejtësisht. I bëj thirrje diasporës të ushtrojë të drejtën e tyre për të votuar për socialdemokratët dhe të majtët që kundërshtojnë ekstremizmin në Evropë”, tha Kurti.
© SYRI.net
Osmani uron Poloninë për Ditën e Kushtetutës 
Goditet me veturë një polic në Prishtinë nga një grua që e kishte ndalur për kundërvajtje 
Incidenti në Lupç, nga një muaj paraburgim për pesë të dyshuarit
Denonco
Merrni lajmet më të fundit nga SYRI.net në çdo moment dhe kudo që të jeni!
