Disa pjesë të Prishtinës vazhdojnë të përballen me mungesë të energjisë elektrike, si pasojë e zjarrit që ka kapluar dje nënstacionin elektrik “Prishtina 3”.
Gjatë ditës së djeshme qytetarët që furnizohen nga kjo pikë kanë mbetur pa energji elektrike, derisa furnizimi më vonë u kthye për një pjesë të konsumatorëve.
Mirëpo, banorët në rrugën “UÇK” në Prishtinë kanë thënë për gazetën online Reporteri.net se ende nuk është rikthyer furnizimi me rrymë.
Siç bëri të ditur KEDS mbrëmë, furnizimi me energji elektrike është rikthyer për rreth 11 mijë konsumatorë, mirëpo rreth 10 mijë të tjerë po vazhdonin të mos kenë energji elektrike.
Zëdhënësi i KEDS-it, Lulzim Krasniqi, tha mbrëmë për gazetën online Reporteri.net se ekipet janë ende duke punuar për të kthyer rrymën aty ku nuk ka, porse nuk dihet kur rikthehet.
KEDS tha se dëmet e shkaktuara nga zjarri janë të mëdha, porse edhe mobilizimi i ekipeve të KEDS-it është i madh, puna e të cilëve u tha se po vazhdon deri në orët e vona.
© SYRI.net
Abdixhiku: Do të ndërtojmë termocentral me gaz gjysmë miliardësh – koeficienti për paga do të jetë 150 euro
Osmani pret në takim Peneveyren, flasin rreth anëtarësimit të Kosovës në Këshillin e Evropës
Serbia ngre flamurin e bardhë? Vuçiç: Ka shumë gjasa që Kosova të anëtarësohet në Këshillin e Evropës
Denonco
Merrni lajmet më të fundit nga SYRI.net në çdo moment dhe kudo që të jeni!
