I mituri tenton t’i japë fund jetës, konsumon sasi të madhe të medikamenteve

I mituri tenton t’i japë fund jetës, konsumon sasi të madhe të medikamenteve

07:30, 06/06/2023

Dhuna në familje, kushtet e jetesës, rrethanat ekonomike, e depresioni shpesh janë vlerësuar shkaktarë që kanë çuar drejt vetëvrasjes e tentimit për ta kryer këtë akt. Familjet janë ato që i përjetojnë jashtëzakonisht rëndë këto raste dhe janë me fat kur arrijnë t’i shpëtojnë familjarët.

Kështu ka ndodhur edhe në një familje në Ferizaj, ku një i mitur deshi t’i jap fund jetës së tij, duke konsumuar një sasi të madhe të medikamenteve, në shtëpinë e tyre, të hënën në orët e mbrëmjes.

Për pasojë, viktimës i është përkeqësuar gjendja shëndetësore dhe është dërguar me urgjencë në spital.
Kështu kanë bërë të ditur nga Emergjencës, me ç’rast kanë njoftuar se viktima është pranuar në këtë qendër ku po trajtohet dhe fatmirësisht është jashtë rrezikut për jetën.

Policia është njoftuar për rastin nga spitali dhe më pas një njësi policore ka dalë në vendin e ngjarjes për të marrë informacionet e para se si ka ndodhur ngjarja.

Me urdhër të Prokurorit të Shtetit, rasti është iniciuar ‘Vetëvrasje në tentativë’ dhe kanë nisur hetimet që zbardhin motivet dhe rrethanat e rastit.

© SYRI.net

Lexo edhe:

Komentet

Shto koment

Denonco