Zëdhënësi i VV, Arlind Manxhuka, ka shkruar për çështjen e shumëpëfolur të ambasadorit Martin Berishajt dhe paktin Vuçiq-Jansha
Manxhuka ka thënë se 'dalëngadalë po dalin hulumtime të reja të asaj që kemi thënë edhe për zhvillimet në fushën e energjisë (çështja e Martin Berishajt) në Kosovë e Ballkan përgjithësisht'.
Ai ka publikuar dhe cituar revistën sllovene 'Mladina', në lidhje me paktin Aleksandar Vuçiq-Janez Jansha, përcjell Syri.net Kosova
“A është keqpërdorur Zyra Sllovene për Parandalimin e Pastrimit të Parave nga një organizim kriminal ndërkombëtar?”, është nëntitulli i hulumtimit të Mladinës “Ballkanski Watergate”.
“Kur Mladina filloi të hulumtonte financimin hungarez të medias të SDS (Partia e Janshës), pra rrjetit Nova24, disa vite më parë, u shfaq një pamje në sfondin e një konflikti më të gjerë gjeopolitik që shpërtheu në Evropën Lindore dhe Qendrore pas krizës financiare. Në shumë vende të Europës Lindore, gjithashtu me mbështetjen e Rusisë dhe duke ndjekur shembullin e Putinit, aleancat e autokratëve apo populistëve vendas, të cilët filluan të konsolidojnë pushtetin e tyre përmes propagandës janë shpërbërë”.
© SYRI.net