Kryetari i PD, Sali Berisha komentoi videon e takimit Basha-Balla, të transmetuar ekskluzivisht nga Syri Tv, dy ditë më parë.
Berisha tha se Basha është skllav i Ramës.
Gjithashtu, Berisha iu bëri një sugjerim që të dalin dhe të takohen hapur.
"E kam thënë me bindje absolute se ai është skllav i Edi Ramës. Të jesh në proces gjyqësor dhe materia e atij procesi të dënon automatikisht 6 vite dhe dosja të mbyllet me një firmë prokurori dhe jo dy firma, ajo është skllavërim. Dhe unë e kam thënë, është peng. Unë e thashë edhe sot, bëjnë gabim që nuk takohen haptaz, por takohen nëpër skuta. Veprimet i bëjnë haptaz në Parlament. Unë duke shkuar në katedër ai urdhëronte Alibashën të zinte katedrën vetëm e vetëm që të mbronte Edi Ramën".
© SYRI.net