Në ambulancën e Mjekësisë Familjare në Kamenicë dega në fshatin Bosce persona të panjohur kanë dëmtuar derën e saj si dhe përveç dëmeve materiale kanë vjedhur edhe disa gjësende të imta.
Sipas një njoftimi nga Policia e Kosovës bëhet e ditur se ngjarja ka ndodhur të enjten.
“Me datën 11.05.2023 rreth orës 17:00 Stacioni Policor Kamenicë është njoftuar se në ambulancën e mjekësisë familjare në Kamenicë dega në fshatin Bosce nga persona të pa njohur është dëmtuar dera e kësaj ambulante. Në këtë rast përveç dëmeve materiale ishin vjedhur edhe disa gjësende të imta”, thuhet në njoftim.
Po ashtu sipas njoftimit, në të njëjtën ditë drejtoresha e shkollës në fshatin Bosce ka njoftuar se të dyshuar të pa njohur kishin depërtuar brenda shkollës ku dyshohet se kanë ndezur bombolën e gazit në të cilën kishin djegur disa materiale të mëndafshta (perde) dhe zjarri nuk ishte shpërndarë.
Ndërkaq, njësiti i hetimeve të Stacionit Policor Kamenicë si rezultat i një pune të shpejtë hetimore, mirë të organizuar operacionale, sot me datën 12.05.2023 ka arrestuar një të dyshuar të mitur (viti i lindjes 2009, mashkull kosovar rom) i cili është intervistuar në bazë të procedurave ligjore.
Tutje në njoftim bëhet e ditur se nga prokurori i shteti rasti është cilësuar ,,Vjedhje e rëndë’’ dhe ,,Dëmtim i pronës’’, rast i cili do të procedohet në prokurorinë themelore, ndërsa i dyshuari është liruar në procedurë të rregullt.
© SYRI.net
Mbi 2 mijë fëmijë lindën në mars, prijnë me numër meshkujt
Abdixhiku-Kurtit: Ju caktojeni datën e zgjedhjeve, ne caktojmë festën!
Krasniqi: S’kam bërë marrëveshje me Kurtin, para tij takova edhe kolegët e opozitës
Denonco
Merrni lajmet më të fundit nga SYRI.net në çdo moment dhe kudo që të jeni!
