Ambasadori gjerman në Kosovë, Jorn Rohde, ka uruar Kosovën pas lajmit se Këshilli i Ministrave të Këshillit të Evropës ka çuar para aplikimin e Kosovës për anëtarësim.
Sipas Rohdes, në mënyrë që Kosova të pranohet në Këshill, duhet ta zbatojë marrëveshjen e Ohrit përfshirë këtu formimin e Asociacionit.
“Urimet e mia për të gjithë kosovarët! Vazhdimi i zbatimit të Ohrit duke përfshirë Asociacionin është vendimtar për të ecur përpara”, ka shkruar ai në Twitter.
“Pas vendimit të javës së kaluar për vizat, votimi i sotëm i #CoE për ta përcjellë aplikacionin e Kosovës në Asamblenë Parlamentare e sjell vendin sërish më pranë familjes evropiane. Gjermania dha mbështetje të plotë në këtë hap”, tha tutje.
After last week‘s decision on visa, today‘s #CoE vote to forward 🇽🇰‘s application to the Parliamentary Assembly brings the country again closer to the European family. 🇩🇪 lent full support on this step. 1/2
— Ambassador Jörn Rohde (@GermanAmbKOS) April 24, 2023
Për ta diskutuar çështjen e Asociacionit, ndër të tjera tema, kryeministri i Kosovës Albin Kurti do të takohet më 2 maj me presidentin e Serbisë, Aleksandar Vuçiq, në Bruksel.
Aplikimi i Kosovës për t’u bërë pjesëtar i KiE-së, që numëron 46 shtete anëtare, tash është në duar të Asamblesë Parlamentare të Këshillit.
Në favor të Kosovës për anëtarësim votuan 33 shtete, pra 2/3 e vendeve anëtare.
Shtatë prej tyre ishin kundër, ndërsa pesë abstenuan.
© SYRI.net
Basha i reagon AGK’së dhe Reporterëve Pa Kufij, zbrapset pak nga gjuha nxitëse: S’po sulmoj, po bëj kritikë
Dita e dëshmorëve të kombit shqiptar, Kurti: Jeta e tyre është e paçmueshme në të gjitha kohët
Aksident në Ferizaj, lëndohen dy persona
Denonco
Merrni lajmet më të fundit nga SYRI.net në çdo moment dhe kudo që të jeni!
