Kryeministri i Shqipërisë, Edi Rama, ka uruar ish-presidentin Hashim Thaçi, i cili ndodhet në Hagë nën akuzat për krime lufte, për ditëlindjen e tij.
Në një status të gjatë në Facebook kushtuar ditëlindjes së Thaçit, Rama ka zgjedhur disa fjalë mjaft emocionuese.
Kreu i Qeverisë shqiptare ka thënë mes tjerash se Thaçi “është marrë peng në rrethana të njohura, jo nga forca të errëta e të panjohura, po nga Bashkësia e Lartë Ndërkombëtare”.
Kreu i qeverisë shqiptare ka thënë se ka qenë një ditë e vrenjtur për të dhe se pengesat e krijuara nga kjo situatë e kanë ndaluar atë të urojë ditëlindjen e sivëllait të tij me fjalët e duhura.
© SYRI.net