Në vetëm 24 orë, presidenti serb Aleksandar Vuçiq përjetoi dy dështime të mëdha në politikën e tij ndaj Kosovës. Kështu i përshkruan mediumi serb, Nova.rs, zhvillimet e fundit me zgjedhjet në veri të Kosovës që u bojkotuan nga Lista Serbe dhe dritën jeshile për anëtarësim në Këshillin e Evropës që Serbia nuk mundi t’i pengojë asnjërën.
Në titull dhe artikull, mediumi opozitar i Vuciqit, i përshkruan këto si “Dy shuplaka në fytyrë në më pak se 24 orë”.
“Politika e Vuçiqit në Kosovë sapo ka përjetuar një kolaps të plotë”, thotë tutje titulli i artikullit të Nova.rs, që raporton edhe kronologjinë e dy zhvillimeve të rëndësishme për Kosovën.
Ndryshe, sot Komiteti i Ministrave të Këshillit të Evropës e ka çuar përpara aplikimin e Kosovës për anëtarësim në këtë organizatë, kështu duke përmbyllur etapën e parë të këtij procesi, që nisi në maj të vitit të kaluar, kur Kosova edhe aplikoi për anëtarësim.
Aplikimi i Kosovës për t’u bërë pjesëtar i KiE-së, që numëron 46 shtete anëtare, tash është në duar të Asamblesë Parlamentare të Këshillit.
Në favor të Kosovës për anëtarësim votuan 33 shtete, pra 2/3 e vendeve anëtare.
Nga ana tjetër, në veri të Kosovës të dielën janë zhvilluar zgjedhjet e jashtëzakonshme për kryetar komunash në 4 sossh, të cilat u bojkotuan nga Lista Serbe.
Zgjedhjet nxorën fitues VV’në dhe PDK’në të cilat sipas rezultateve preliminare do t’i ndajnë nga dy komuna në krye të tyre.
© SYRI.net
Basha i reagon AGK’së dhe Reporterëve Pa Kufij, zbrapset pak nga gjuha nxitëse: S’po sulmoj, po bëj kritikë
Dita e dëshmorëve të kombit shqiptar, Kurti: Jeta e tyre është e paçmueshme në të gjitha kohët
Aksident në Ferizaj, lëndohen dy persona
Denonco
Merrni lajmet më të fundit nga SYRI.net në çdo moment dhe kudo që të jeni!
