Kabineti qeveritar ka miratuar kërkesën për pagesën e specializantëve me vetëfinancim prej datës 1 janar 2023 deri më 31 dhjetor 2023. Kjo për të luftuar ikjen e kuadrove shëndetësore nga vendi.
Në mbledhjen e Qeverisë së Kosovës është miratuar kërkesa e Ministrisë së Shëndetësisë për pagesën e 580 specializantëve me vetëfinancim nga një janari i vitit 2023 deri më 31 dhjetor.
Ministri i Shëndetësisë, Arben Vitia, ka thënë se kjo pagesë është për të luftuar ikjen e kuadrove shëndetësore nga vendi.
“Numri i kuadrove profesionale shëndetësore në vend është shumë i ulët në krahasim me disa vende të Organizatës për Zhvillim dhe Bashkëpunim Ekonomik dhe vendeve të rajonit. Sipas analizave që konstatojnë numrin e vogël për kokë banori, ngrihen shqetësime për sa i përket qasjes në shërbime shëndetësore të popullatës. Pos kësaj edhe vendet tjera ka një kohë që përballen me këtë problematikë ndaj së cilës kanë ndërmarrë hapa për të rritur numrin e mjekëve përmes stimulimit dhe krijimit të një ambienti tërheqës për ta. Nën ndikimin e këtyre masave, Kosova po ndikohet drejtpërdrejt me ikjen e kuadrove shëndetësore”, ka thënë ai.
Po ashtu është miratuar edhe pagesa e 10 specializantëve me vetëfinancim nga Shqipëria, Mali i Zi dhe Maqedonia e Veriut.
Ndryshe, Kryeministri i Kosovës, Albin Kurti në adresimin e tij në mbledhjen e 127-të qeverisë ka kërkuar nga kabineti qeveritar që mbledhjen të nisin me një minutë heshtje në nderim të viktimave që humbën jetën në tërmetin tragjik të së hënës në Turqi e Siri.
“Jam i tronditur nga tërmeti që ka goditur Turqinë dhe Sirinë të hënën me më shumë se 9000 të humbura tragjikisht deri më tani, shpreh ngushëllime për familjarët e viktimave dhe të lënduarve u uroj shërim të shpejtë”, ka thënë Kurti.
Ndër të tjera Kurti ka theksuar gatishmërinë e Kosovës që të jetë në mbështetje të Turqisë në këto momente të vështira.
© SYRI.net
Telekomi kërkon përjashtimin e gjyqtarit dhe ekspertëve financiarë në rastin me “Dardafon.net”
Mbi 45 milionë euro borxhe, aksion i madh ndaj borxhlinjve të ujit në Prishtinë, s’ka “pardon” për askënd 
FH:Serbia ka pësuar rënien më të madhe në procesin e demokratizimit, shkak mosmarrëveshja e zgjatur me Kosovën
Denonco
Merrni lajmet më të fundit nga SYRI.net në çdo moment dhe kudo që të jeni!
