Kryetari i Komunës së Prishtinës, Përparim Rama, është deklaruar pas raportimit për ngritjen e çmimeve për tatimin në pronë.
Përmes një postimi në Facebook, Rama ka deklaruar se ka pranuar shqetësime të arsyeshme që nga dita e djeshme për këtë ndryshim të çmimit, shkruan Syri.net Kosova.
“Për të evituar hutinë e shkaktuar nga deklaratat e nxjerra deri më tash, dëshiroj ta bëj më se të qartë për të gjithë qytetarët e kryeqytetit, të cilët janë ata që direkt preken nga ky proces.
Bazuar në dispozitat e Ligjit në fuqi për Tatimin në Pronën e Paluajtshme (neni 17 i Ligjit nr. 06/005 dhe UA MF-Nr. 08/2019) Ministria e Financave, Punës dhe Transfereve është autoriteti kompetent për vlerësimin e pronave, ndërsa Kryeqyteti sipas të njejtit Ligj, cakton përqindjen e tatimit në pronë në bazë të vlerësimit të Ministrisë. Kryeqyteti e ka caktuar përqindjen më të ulët të mundshme të tatimit në pronë. Norma më e ulët e lejuar është 0.15% e shumës së përcaktuar nga Ministria e Financave, Punës dhe Transfereve”, ka thënë Rama.
Ai ka thënë se Komuna e Prishtinës nuk ka pasur asnjë ndikim në rritjen e faturave të tatimit në pronë, por rritja ka ardhë si pasojë e ri-vlerësimit të pronave nga Ministria e Financave.
E pas ngritjes rekorde të çmimit për tatimin e pronave, ka plasur rrjeti nga reagimet e shumta, duke e kundërshtuar një vendim të tillë, e madje duke e quajtur si tinëzar në dëm të kurrizit të qytetarëve.
LEXO EDHE: Valë zemërimi ndaj Hekuran Muratit pas fryrjes së tatimit në pronë
© SYRI.net
Ish-presidenti kroat, Mesiç: Vuçiç si Millosheviçi, “Serbia e madhe” nuk do të ndodhë
Viktimat e aksidentit në Suharekë janë një 31 dhe një 20-vjeçar nga Prizreni
Vdes ish kryetari i Pejës, Ali Lajçi
Denonco
Merrni lajmet më të fundit nga SYRI.net në çdo moment dhe kudo që të jeni!
