Ministria e Arsimit, Arberie Nagavci ka njoftuar se institucioni më i lartë arsimor në Kosovë do të subvencionojë dy qendra arsimore për të rritur në kuadër të shkollave profesionale.
Ky është njoftimi nga Nagavci:
Në Strategjinë e Arsimit 2022-2026, për herë të parë MAShTI ka planifikuar subvencione për ofruesit e Arsimit për të Rritur dhe hapjen e dy qendrave për arsimin e të rriturve në dy Institucione të Arsimit dhe Aftësimit Profesional.
Po ashtu, në bashkëpunim me Odën Ekonomike të Kosovës, UP-në dhe Komunën e Prishtinës pritet që të themelohen dy qendra për të rritur edhe në nivelin universitar.
Këtë e theksova në konferencën “Roli i Arsimimit të të Rriturve në Kosovë dhe Dyer të Hapura për Arsimimin e të Rriturve në Kosovë”.
Ndryshimet e fundit në zhvillimin e teknologjisë së informacionit kanë dëshmuar se informimi dhe ofrimi i arsimit për të rritur është shumë i nevojshëm.
Bazuar në legjislacionin në fuqi, MAShTI ofron arsim për të rritur në të gjitha nivelet e arsimit.
Po ashtu, me qëllim të përmirësimit të cilësisë dhe rritjes së përfshirjes në arsimin e të rriturve, me mbështetjen e DVV Internacional, MAShTI ka themeluar Rrjetin jo formal të Arsimimit për të Rritur në Kosovë.
© SYRI.net
Ndalohet reperi i shpallur në kërkim për tentim vrasjen në Kolovicë
Hapi i fundit i Kosovës për KiE, Serwer : Indinjata e Serbisë është e turpshme
EMRI/ Kreu marrëdhënie me një shtetase të mitur, arrestohet 38-vjeçari shqiptar në Britani
Denonco
Merrni lajmet më të fundit nga SYRI.net në çdo moment dhe kudo që të jeni!
