Serbi i arrestuar në Jarinjë kishte sulmuar policinë me armë zjarri vitin e kaluar

21:58, 09/12/2022

I dyshuari serb i arrestuar sot nga Policia e Kosovës në Jarinjë kishte sulmuar zyrtarët policorë vitin e kaluar.

Kështu ka marrë vesh Lajmi.net nga burime të sigurta, të cilat kanë qartësuar se rasti nuk ka të bëjë me rastin e policit Ekrem Neziri, i cili u lëndua në veri nga një sulm me armë zjarri.

“Policia e Kosovës, gjatë realizimit të detyrave zyrtare, sot, më 09.02.2022, rreth orës 15:00, në Jarinje ka arritur të identifikojë dhe të ndalojë të dyshuarin M.A. (m/s/k), i cili ishte në kërkim”, thuhet në njoftimin e Policisë.

“Personi i ndaluar është i dyshuar për përfshirje në sulm me armë zjarri ndaj personave zyrtar, ‘vrasje e rëndë (në tentativë)’, rast ky i kryer kohë më parë”.

Sipas policisë, me autorizim të prokurorit kompetent i dyshuar është dërguar në mbajtje. 

© SYRI.net

Lexo edhe:

• Ambasadori britanik në Beograd: Duam ta shohim Asociacionin teksa formohet sa më shpejt të jetë e mundur
• Më 1 maj SBAShK-u organizon protestë para Qeverisë
• Arrestohet një i dyshuar në Dragash për plagosjen e ish-vjehrrit të tij