Policia e Kosovës për të disatën herë ka reaguar duke i përgënjeshtruar raportimet kur raste të grabitjes, por raportohen si incidente dhe sulme me motive ndër-etnike. Eksperti i sigurisë Agim Musliu thotë propaganda për incidente ndër-etnike shpërndahet edhe nga media të caktuara të cilat kanë plane dhe qëllime dashakeqe për Kosovën.
Grabitjet dhe vjedhjet ordinere ku me raste cak janë serbët e Kosovës e ashtuquajtura Zyra serbe për Kosovën po tenton t’i cilësoj si sulme ndër-etnike.
E këto pretendime në vazhdimësi po përgënjeshtrohen nga Policia e Kosovës.
Rast i fundit që ka ndodhur është ai i grabitjes në shtëpinë e një gruaje të moshuar në Mitrovicën Veriore.
Raportimin se ky është sulm me motive etnike, Policia e ka quajtur gënjeshtër duke thënë se bëhet fjalë vetëm për grabitje.
Propaganda për këtë rast dhe disa të tjera në muajt e fundit sipas ekspertit të sigurisë Agim Muliu adresën e kanë diku tjetër.
“Një nga to është Kosov online e cila i shpërndan dhe prodhon lajme të rreme kundër Kosovës. Mund të them që është një ndër më të rrezikshmet në Kosovë dhe më të helmuarat në Kosovë. Kjo sepse bashkëpunon dhe prodhon lajme edhe për media ruse me këtë rast po e ceku sputnikun e Rusisë që vepron edhe në Beograd”, ka thënë Agim Musliu, Ekspert i Sigurisë.
Jo rrallë herë sipas Musliut propaganda përhapet pa qëllim edhe nga vetë mediat në Prishtinë.
“Propaganda serbo-rusë në Kosovë lirisht mund ta konstatojë se shkon nëpërmjet Kosov-online e fatkeqësisht shumë herë binë pre edhe disa media në Kosovë dhe transmetohen. Çfarë lloji të propagandës ka e shihni se në mesin e tyre intervistohen disa shqiptarë por ka edhe gazetarë nga Shqipëria të cilët kontaktojnë me kryeredaktorin e Kosov-online Gariqin 04.47”, ka shtuar Agim Musliu, Ekspert i Sigurisë.
Janë të shumta rastet kur zyra e Petar Petkoviqit përhap lajme të rreme për kinse sulme ndër-etnike.
Në fillim të korrikut thyerjen e xhamit të veturës në pronësi të ish-nënkryetarit të Ranillugut kjo zyrë e kishte lidhur me shqiptarët. Pretendime të cilat ishin përgëngjestuar nga komandanti i stacionit policor në këtë fshat, Nebojsha Popoviq.
Edhe më 1 qershor Shefit i BE-së në Kosovë, Tomas Szunyog kishte thënë se në Vushtrri janë shtuar incidentet ndër-etnike.
Këto raste ishin mohuar nga vetë serbët dhe shqiptarët e fshatit në të cilin ishte për vizitë Szunyog.
Nërkaq Policia kishte deklaruar se që nga viti 2019 në Vushtrri dhe fshatra është shënuar vetëm një rast për ‘Nxitja e përçarjes dhe mos durimit’.
© SYRI.net
AGK fajëson Qeverinë se bëri fushatë denigruese kundër medieve në Kosovë
Ambasada e SHBA-së në Kosovë: Një demokraci e fortë inkurajon një shtyp të lirë
Regresi në lirinë e mediave, Rohde: Rënie alarmante, mediat të mbrohen e jo të kontrollohen
Denonco
Merrni lajmet më të fundit nga SYRI.net në çdo moment dhe kudo që të jeni!
