Sekretari i Shtetit, Antony Blinken është informuar për rezultatin e fundit të negociatave Kosovë-Serbi, tha zëvendës-zëdhënësi kryesor i Departamentit të Shtetit, Vedant Patel.
Të shtunën është arritur një marrëveshje për ID-të ndërmjet Kosovës dhe Serbisë.
Kosova është pajtuar që të mos prezantojë dokumentet hyrëse dhe dalëse për mbajtësit e ID-së së Serbisë. Kurse, Serbia ka rënë dakord të eliminojë dokumentet e hyrjes dhe daljes për mbajtësit e ID-së së Kosovës.
Duke folur për The Pavlovic Today, zëvendës-zëdhënësi kryesor Vedant Patel tha të hënën se Departamenti i Shtetit “i ka kushtuar vëmendje të madhe” zhvillimeve të fundit në dialogun e ndërmjetësuar nga BE-ja Kosovë-Serbi.
Përparimin e fundit në bisedimet Kosovë-Serbi, Sekretari Blinken e konsideron një “hap të rëndësishëm përpara” sipas Patel.
Sekretari i Shtetit beson se dialogu është mjeti më i mirë për bisedimet e Kosovës dhe Serbisë për të arritur një “marrëveshje gjithëpërfshirëse” dhe “normalizimin e marrëdhënieve” të përqendruara rreth “njohjes reciproke”, u shpreh Patel duke ndarë mendimin e njëjtë me sekretarin Blinken.
Patel shtoi se SHBA, me përkushtimin e kryeministrit të Kosovës Albin Kurti dhe presidentit serb, Aleksandar Vuçiq dhe “punën e palodhur” të përfaqësuesve specialë të BE-së “do të gjejnë një mënyrë për të ecur përpara në mënyrë paqësore”.
I pyetur nëse Sekretari Blinken do të përsërisë në javët në vijim nevojën për formimin e Asociacionit të Komunave Serbe sipas Marrëveshjes së Brukselit, Patel nuk ka dhënë asnjë përgjigje për momentin.
© SYRI.net
Osmani uron Poloninë për Ditën e Kushtetutës 
Goditet me veturë një polic në Prishtinë nga një grua që e kishte ndalur për kundërvajtje 
Incidenti në Lupç, nga një muaj paraburgim për pesë të dyshuarit
Denonco
Merrni lajmet më të fundit nga SYRI.net në çdo moment dhe kudo që të jeni!
