I dërguari i Posaçëm i Shteteve të Bashkuara për Ballkanin Perëndimor, Gabriel Escobar, ka thënë se krijimi i Asociacionit të komunave me shumicë serbe nuk duhet të jetë në kundërshtim me Kushtetutën e Kosovës, dhe të krijojë “shtet brenda shtetit”.
Ndaj kësaj deklarate mes shumë tjerëve ka reaguar edhe njohësi i çështjeve politike Jusuf Thaçi, i cili ka deklaruar se përmes kësaj deklarate të Escobarit, amerikanët e kanë varrosur ëndrrën e Serbisë për krijimin e asaj që ai e quan, Zajednicë, e cila do ta shkelte rendin kushtetues të Kosovës.
“Amerikanët e varrosën ëndrrën e Serbisë për Asociacion/Zajednicë që e shkelë rendin kushtetues në Kosovë (nivel i ri qeverisës), që e cenon funksionalitetin e shtetit të Kosovës (pengesa e bllokada në çdo hap) dhe që krijon shtet brenda shtetit në Kosovë (bosnjizim)!”, ka thënë ndër tjerash Thaçi.
Postimi i plotë:
Amerikanët e varrosën ëndrrën e Serbisë për Asociacion/Zajednicë që e shkelë rendin kushtetues në Kosovë (nivel i ri qeverisës), që e cenon funksionalitetin e shtetit të Kosovës (pengesa e bllokada në çdo hap) dhe që krijon shtet brenda shtetit në Kosovë (bosnjizim)!
“Asociacioni nuk duhet të ndërhyjë, nuk duhet të bie në kundërshtim me Kushtetutën e Kosovës, nuk duhet të krijojë probleme në funksionalitetin e Kosovës dhe nuk duhet të jetë shtet brenda një shteti”, deklaroi Gabriel Escobar – i dërguari i Posaçëm i Shteteve të Bashkuara të Amerikës për Ballkanin Perëndimor.
Escobar tha se ka modele të shumta evropiane, ku minoritetet mund të mbrojnë trashëgiminë e tyre kulturore dhe gjuhën amtare, por pa shkelur kornizën kushtetuese të vendit ku jetojnë.
Welcome back (for real) to Balkans USA! Game Over for EU games in the Balkans!
© SYRI.net
Mbi 2 mijë fëmijë lindën në mars, prijnë me numër meshkujt
Abdixhiku-Kurtit: Ju caktojeni datën e zgjedhjeve, ne caktojmë festën!
Krasniqi: S’kam bërë marrëveshje me Kurtin, para tij takova edhe kolegët e opozitës
Denonco
Merrni lajmet më të fundit nga SYRI.net në çdo moment dhe kudo që të jeni!
