Situata e tensionuar e krijuar pas implementimit të vendimit të Qeverisë së Kosovës për zbatimin e reciprocitetit për targa dhe kartat e identitetit këtë të mërkurë do të diskutohet në seancën e jashtëzakonshme të Komisionit të Mbrojtjes në Parlamentin Federal të Gjermanisë.
Kështu të paktën ka bërë të ditur kryetarja e komisionit, Marie-Agnes Strack-Zimmermann (FDP), raporton mediumi gjerman Deutsche Welle,
“Para se të gjykoj, dua të informohem në mënyrë më të detajuar”, ka thënë kryetarja e komisionit.
“Prandaj e kam vënë çështjen në rend të ditës në seancën e posaçme të Komisionit të Mbrojtjes”, ka shtuar ajo.
Qeveria gjermane ishte shprehur e shqetësuar për situatën në Kosovë qysh në fillim të javës. Ministrja gjermane e mbrojtjes, Christine Lambrecht, SPD, në pranverë pati rastin të njihej vetë nga afër me gjendjen në Kosovë.
“Misioni i KFOR-it i drejtuar nga NATO po monitoron gjithashtu nga afër situatën dhe është i gatshëm të ndërhyjë nëse kërcënohet stabiliteti. Ushtria gjermane mbetet i përkushtuar në NATO dhe me KFOR-in për të garantuar një mjedis të sigurt dhe lirinë e lëvizjes për të gjithë njerëzit në Kosovë”, kishte thënë Lambrecht, sipas një deklarate të zëdhënëses së ministres së mbrojtjes, Nadine Krüger.
© SYRI.net
Pendarovski pranon humbjen, uron Siljanovskën
Numërohen më shumë se gjysma e votave, këto janë rezultatet nga zgjedhjet parlamentare në Maqedoni
Osmani: Kosova storie suksesi e mbështetjes së SHBA-së, Serbia do që t’i godasë vlerat e etabluara nga mbështetja amerikane
Denonco
Merrni lajmet më të fundit nga SYRI.net në çdo moment dhe kudo që të jeni!
