Kryeministri i Kosovës, Albin Kurti, kujtoi sakrificën e ushtarakëve amerikanë dhe familjeve të tyre, në takimin me shqiptaro-amerikanen Besa Tafilaj Pinchotti, Drejtore ekzekutive e Shoqatës Kombëtare të Familjeve Ushtarake (National Military Family Association).
Në veçanti u përmenden dy pilotët e helikopterit Apache, oficerët David A. Gibbs dhe Kevin L. Reichert, që humbën jetën në Shqipëri më 1999, gjatë operacioneve mbështetëse për ndërhyrjen e NATO-s në Kosovë.
Në takim u fol për përkushtimin e Qeverisë për sigurinë, si dhe për bashkëpunimin e shkëlqyeshëm me Shtetet e Bashkuara të Amerikës, thuhet në një komunikatë për media.
Tutje u theksua rritja e buxhetit të sektorit të mbrojtjes, më i larti që ka pasur ndonjëherë Kosova si dhe angazhimi për të zhvilluar një forcë ushtarake profesionale dhe të shkathët në përputhje me doktrinën dhe standardet e NATO-s.
Tafilaj Pinchotti, foli për misionin dhe aktivitetet e Shoqatës Kombëtare të Familjeve Ushtarake (National Military Family Association), e themeluar më 1969, që përfaqëson miliona pjesëtarë të familjeve ushtarake në Shtetet e Bashkuara, përmes avokimit dhe programeve mbështetëse. Znj Tafilaj Pinchotti babai i së cilës vjen nga Deçani, rikujtoi kohën kur ajo ka raportuar për luftën dhe periudhën e pasluftës së Kosovës si gazetare në rrjetet televizive ABC dhe NBC.
© SYRI.net
Bajrami thotë se VV-ja është kundër mediave
Markat perëndimore po financojnë dezinformimin rus në Ballkan
Rama: Spitali i Kryeqytetit po bëhet, kushtet e standardet të nivelit evropian
Denonco
Merrni lajmet më të fundit nga SYRI.net në çdo moment dhe kudo që të jeni!
