Është futur në rend dite votimi për ratifikimin e Marrëveshjes që Kosova ka nënshkruar me Korporatën Sfidat e Mijëvjeçarit (MCC) për çështjen e energjisë.
Mocioni i propozuar nga Komisioni për Ekonomi mori përkrahjen e të gjithë deputetëve të pranishëm.
Përmes një mocioni procedural, deputetët u pajtuan që të futet në rendin e ditës edhe marrëveshja 236 milionë dollarëshe me SHBA-në.
Futja e kësaj pike në rend dite, u propozua nga kryetari i Komisionit për Ekonomi, deputeti i PDK-së Ferat Shala.
Kosova dhe Korporata e Sfidave të Mijëvjeçarit (MCC) kanë firmosur të mërkurën mbrëma në Kongresin amerikan, Programin Kompakt të Kosovës, që pritet t’i sjellë vendit mbi 200 milionë dollarë investime në projekte në fushën e energjisë.
© SYRI.net