Ministri i Jashtëm i Polonisë dhe njëkohësisht kryesuesi i radhës i OSBE-së, Zbigniew Rau, ka qëndruar për vizitë në Komisionin Qendror të Zgjedhjeve.
Rau është pritur në takim nga kryetari i KQZ-së, Kreshnik Radoniqi, dhe kryeshefi i SKQZ-së, Burim Ahmetaj.
Kryesuesi i radhës i OSBE-së ishte i shoqëruar nga ambasadori i Polonisë në Republikën e Maqedonisë së Veriut, Wojciech Tycinski, shefi i Misionit të OSBE-së në Kosovë, Michael Davenport, dhe të tjerë.
Fillimisht, kryetari i KQZ-së e falënderoi Raun për vizitën në KQZ dhe i uroi punë të mbarë me kryesimin e OSBE-së, transmeton Klankosova.tv
Po ashtu, ai falënderoi Misionin e OSBE-së në Kosovë për mbështetjen e vazhdueshme për KQZ-në në fuqizimin institucional.
Nga ana e tij, ministri Rau, në fjalën e tij, theksoi se: “Gjithmonë ka vend për përmirësimin e proceseve zgjedhore për të adresuar nevojat e reja, jo vetëm për të plotësuar ligjin, por edhe për t’i përshtatur praktikat politike. Kjo është përcaktuese për cilësinë e demokracisë”.
Gjithashtu, Rau theksoi rëndësinë e rekomandimeve të vëzhguesve ndërkombëtarë të zgjedhjeve dhe premtoi mbështetje të vazhdueshme të OSBE-së për reformat zgjedhore në Kosovë.
© SYRI.net
Ahmeti: Nuk duhet të hapim front midis shqiptarëve dhe maqedonasve
Këshilltari i Bislimit: Serbia kalon pa u ndëshkuar, Kosova po penalizohet në vazhdimësi nga aleatët e saj
Supremja kthen në rigjykim rastin e të dënuarit me 8 muaj e tetë ditë burgim për dhunimin e 15-vjeçares
Denonco
Merrni lajmet më të fundit nga SYRI.net në çdo moment dhe kudo që të jeni!
