Dita e sotme në Kosovë do të shoqërohet me dy protesta. Të dyja me kauza të ndryshme, por që në thelb kanë të përbashkët aspektin ekonomik.
Organizatat e dala nga lufta e UÇK-së protestojnë kundër projektligjit për pagën minimale, në të cilin nuk janë përfshirë edhe kjo kategori e luftës.
Policia e Kosovës ka marrë masa dhe ka vendosur kordonin në hyrje të ndërtesës së Kuvendit të Kosoves. Kjo, për shkak të eskalimit të mundshëm të protestës, shkruan Syri.net
E Kuvendi i Kosovës ka në rend dite edhe shqyrtimin e parë të Projektligjit për Fondet Pensionale të Kosovës që parasheh lejimin e tërheqjes së deri në 30 për qind të kursimeve pensionale nga ana e qytetarëve.
Ndërkohë që ky Projektligj do të shqyrtohet në Kuvend, Sindikata e Re e KEK-ut ka organizuar sot protestë, me kërkesën për votimin e projektligjit për tërheqjen e mjeteve nga Trusti Pensional.
Kësaj proteste është paralajmëruar se do t`i bashkohen edhe pjesëtarët e Policisë së Kosovës./Syri.net
© SYRI.net