Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, mirëpriti në Kosovë dhe më tej në një takim të përbashkët ministrin e Jashtëm të Greqisë, Nikos Dendias.
Në takimin zyrtar të dy delegacioneve, Dendias theksoi energjinë e re, pozitive dhe potencialin e Kosovës, për shkak edhe të moshës mesatare të ulët të popullsisë dhe reflektimit në politikat e Qeverisë, që mund të shërbejë si shembull edhe për Bashkimin Evropian.
Nga ana e tij, zëvendëskryeministri Bislimi pohoi potencialin zhvillimor të Kosovës. E falënderoi Greqinë për mbështetjen e vazhdueshme ndaj Kosovës dhe Ballkanit Perëndimor, në rrugëtimin drejt Bashkimit Evropian.
Dendias tha se Ballkani Perëndimor i përket familjes evropiane dhe Greqia është e përkushtuar në ofrimin e ndihmës dhe mbështetjes ndaj rajonit.
Zëvendëskryeministri Bislimi e informoi ministrin Dendias edhe mbi dialogun në mes të Kosovës dhe Serbisë, duke potencuar se rruga e duhur është ajo e dialogut të ndërmjetësuar nga Bashkimi Evropian, me mbështetjen e Shteteve të Bashkuar të Amerikës, ku Kosova është dhe do të mbetet e angazhuar maksimalisht në qasje konstruktive, përmes propozimeve dhe alternativave për të ecur drejt një marrëveshjeje të përhershme dhe ligjërisht të obligueshme me Serbinë.
© SYRI.net
Morinë: Arrestohet një serb, ishte i kërkuar nga Serbia për prodhim e shitje të drogës 
FSK-ja mohon se i lënduari nga mjeti shpërthyes në Gjakovë është pjesëtar i tyre 
Lëndohet nga një mjet shpërthyes një person në Gjakovë
Denonco
Merrni lajmet më të fundit nga SYRI.net në çdo moment dhe kudo që të jeni!
