Gjykata merr vendim për të dyshuarin që i fshehu mbi 10 kg drogë në një bunker në Prizren

15:21, 31/01/2022

Pasditen e 29 janarit, Policia e Kosovës ka kryer bastisje në dy lokacione në Prizren, ku janë kapur mbi 10 kilogramë drogë. Kjo bastisje ka rezultuar me arrestimin e Sevki Kayserlit.

Pas kërkesës që Prokuroria ia ka bërë Gjykatës Themelore në Prizren, ndaj Kayerslit është caktuar masa e paraburgimit për 30 ditë.

“Gjykata Themelore në Prizren, Departamenti i Krimeve të Rënda, gjyqtari i procedurës – Skender Çoçaj, ka caktuar masën e paraburgimit në kohëzgjatje tridhjetë (30) ditë, e cila do të llogaritet prej kohës së arrestimit 29.01.2022 dhe mund të zgjasë deri më datën 28.02.2022, ndaj të pandehurit S.K., për shkak të dyshimit të bazuar se ka kryer veprën penale blerja, posedimi, shpërndarja ose shitja e paautorizuar e narkotikëve, substancave psikotrope dhe analoge nga neni 267 par. 1 të të Kodit Penal të Republikës së Kosovës”, thuhet në vendim.

© SYRI.net

Lexo edhe:

• Dumoshi: Gjitha kërkesat e SBASHK-ut janë të drejta, ne do të kemi komunikim me ta se Qeveria po i neglizhon
• Balje: Deklarata e Kurtit për Kodin Civil është provokuese, nuk votoj pro martesave mes gjinisë së njëjtë
• Bislimi takohet me parlamentarë e zyrtarë në Bern të Zvicrës, flasin për “një mori temash”