Teologu, Mustafë Bajrami ka zbardhur skandalin në lidhje me ndërtimet pa leje në Brezovicë, shkruan Syri.net Kosova.
Bajrami përmes një reagimi në Facebook ka thënë se investimin 300 milionësh në Brezovicë e ka bllokuar politika, derisa ka shkruar se ata që kanë dhënë ryshfet, kanë korruptuar e kanë bërë ndërtime pa leje në Brezovicë, janë po aq kriminelë sa dhjetë personat që u burgosën në lidhje me rastin.
Postimi i plotë:
Ata që kanë dhënë ryshfet, kanë korruptuar e kanë bërë ndërtime pa leje në Brezovicë, janë po aq kriminelë sa dhjetë personat që u burgosën në lidhje me rastin.
Shtrohet pyetja: Përse të përflitet kaq shumë vetëm ish-kryetari i Shtërpces kur dihet se ai nuk do mund t'i bënte këto krime pa mbështetjen nga Prishtina?! Pse nuk po përmenden emrat e qytetarëve që kanë dhënë ryshfet dhe kanë përfituar në dëm të interesit të përgjithshëm?! Apo, përse të mos merren në pyetje të gjithë funkcionarët dhe qytetarët e Kosovës që ndërtuan atje me leje e pa leje dhe e bënë Brezovicën shkret sikur gjithë Kosovën. Logjikisht, të gjithë këta janë pjesëmarrës në krimin makabër që iu bë atij aseti kaq të të rëndësishëm të Kosovës.
P/S: sa për informim, dikur nga një vend mik pata siguruar 300 milion dollarë për investime në Brezovicë, po, pikërisht këta njerëz i kanë refuzuar dhe e lanë Brezovicln në duar të këtyre kriminelëve. Disa në mënyrë direkte e disa të tjerë ndirekt.. Organet kompetente mund ta hulumtojnë rastin, ndërsa zëvendëskryeministri i atëhershëm mund të hedh dritë mbi çështjen edhe më shumë...!
© SYRI.net