Aktivisti politik dhe i të drejtave të shqiptarëve nga Medvegja, Muharrem Salihu, ka thënë se Kosova dhe Shqipëria duhet të bëjnë më shumë për shqiptarët në Luginën e Preshevës.
Salihu ka thënë se Kosova duhet ta njohë statusin e refugjatëve të të gjithë shqiptarëve.
“Në Kosovë kemi punuar që të krijohet një trup koordinues i cili do t’i disiplinonte subjektet politike në Serbi, dhe do ta krijonte një mekanizëm që shtetet shqiptare të ushtronin autoritetin e tyre tek shqiptarët në Serbi, të cilin nuk e kanë për shkak se nuk investuar dhe i ka lënë në mëshirën e fatit. Pushteti qendror serb ka investuar sipas interesave të veta. Kosova duhet urgjentisht të njohë statusin e refugjatëve të gjithë shqiptarëve në Serbi, të cilëve u janë pasivizuar adresat, dhe me këtë status ata ruajnë lidhjet më rrënjet e tyre, dhe kanë një dokument që t’u mundësohet një jetë normale”, ka pohuar ai.
Salihu ka thënë se njohja e statusit të refugjatëve do t’i ndihmonte e pasi që janë duke u përballur me pasivizimin e adresave të shqiptarëve.
“Shtete tona duke mos pasur një koordinim të përbashkët për politikën e jashtme kanë krijuar hapësirë që dikush të veproi sipas dëshirës”, theksoi ai.
Aktivisti politik nga Medvegja – Muharrem Salihu gjatë intervistës.
Gjatë intervistës, Salihu i cili është drejtues i Forumit Shqiptar për Zhvillim Ekonomik në Serbi, thotë se pritet të ketë iniciative konkrete ekonomike në të ardhmen nga të gjitha Odat Ekonomike si në Kosovë, Shqipëri, Maqedoni të Veriut, Mal të Zi dhe në Serbi
“Atë që nuk kemi mundur ta realizojmë përmes politikës po mundohemi ta arrijmë me subjektet ekonomike. Këtë e kanë mirëpritur Oda Ekonomike e Shqipërisë, Oda Ekonomike e Maqedonisë Perëndimore dhe Oda Ekonomike e Malit të Zi. Në këtë ombrellë jemi futur barabartë Forumi shqiptar për zhvillim ekonomik, dhe anëtarët e bordit kemi vendosur të investojmë nga 50 mijë euro, dhe të krijojmë një fond 1 milion euro.
Ky është një hap konkret. Do të identifikojmë fushat e mundshme ekonomike ku mund të investojmë dhe çka do të investohet, mund të jetë kulturë, arsim, apo fusha tjera”, është shprehur ai.
Salihu tha se do të paraqesin në bord projektet, dhe ato të cilat marrin më së shumti pikë do t’i financojnë.
Në emisionin “Përballje”, Salihu ka folur edhe për problemin e pasivizimit të adresave, duke thënë se kjo po ndodhë që nga vitet e 80-ta.
© SYRI.net
Ndalohet reperi i shpallur në kërkim për tentim vrasjen në Kolovicë
Hapi i fundit i Kosovës për KiE, Serwer : Indinjata e Serbisë është e turpshme
EMRI/ Kreu marrëdhënie me një shtetase të mitur, arrestohet 38-vjeçari shqiptar në Britani
Denonco
Merrni lajmet më të fundit nga SYRI.net në çdo moment dhe kudo që të jeni!
