Egzon Azemi, anëtar i Vetëvendosjes ka reaguar pas aksionit të PSD-së, që vendosi batanijet para qeverisë, në shenjë proteste ndaj menaxhimit të dobët të krizës energjitike, nga qeveria e Albin Kurtit.
Azemi ua ka kujtuar ish-bashkëpunëtorëve partiakë një skandal, që sipas tij mban vulën e PSD-së, shkruan Syri.net Kosova.
“PSD shumë janë kreativ. Me një kreativitet të madh deshën ta vjedhin pronën e NPB-së në vlerë mbi 120 milion euro, por dështuan.”, ka shkruar Egzon Azemi.
“Kreativ sa të dush. Hajna sa të dush.
Veç spo ju dhez.”, përfundon statusi i Azemit.
Afera e njohur si skandali i Lakrishtes, ka përfunduar në organet e drejtësisë, ndërsa proiekti i madh ndërtimor është pezulluar, pas shkeljeve të shumta dhe rrezikimit të shëndetit të banorëve.
© SYRI.net