Arlind Hyseni e Bekim Leci nga AAK, janë arrestuar nga Policia e Kosovës, pasi janë zënë duke blerë vota.
Kështu kanë thënë nga PSD-ja në Kamenicë, të cilët po ashtu kanë theksuar se dyshohet se janë arrestuar edhe Pajtim Jakupi, vëllai i kandidatit të AAK-së për kryetar të këtij qyteti, po ashtu edhe Kujtim Kallaba dhe një kushëri i Kadri Rrahimaj, në Kopernicë, shkruan Syri Kosova.
Madje, sipas PSD-së, në një video që e kanë hedhur, personat e apostrofuar po bëjnë shitblerje të votat.
Sipas partisë në fjalë, AAK që është në koalicion me VV-në në këtë komunë, po e bëjnë të pamundurën, qoftë edhe ilegalisht, që kandidati i VV-së për Kamenicë, të fitojë në këto zgjedhje, duke dënuar kështu, ashpër këtë veprim.
© SYRI.net