Raportimi i djeshëm i Syri Kosovës në lidhje me ngacmimin seksual që ka ndodhur brenda oborrit të shkollës fillore ‘Faik Konica’ në Prishtinë, ka nxitur reagime të menjëhershëm nga vet udhëheqësi e kësaj shkolle.
Syri Kosova gjatë ditës së djeshme ka pritur përgjigje nga ana e drejtorëshës, Jehona Oruqi për të marr një qëndrim rreth rastit, por ajo nuk i është përgjigjur thirrjeve dhe mesazheve tona, deri në momentin e publikimi të lajmit.
Pas publikimit, zonja Oruqi ka marrë gazetaren e Syrit duke e kërcënuar dhe bërë presion që t’ia jap burimin e lajmit.
Për me tepër mohon që ndodh si rast, por pastaj thotë se nuk ka ndodh të martën, por të shtunën. E që sipas saj në vikend nuk ka mësim.
Po një përgjigje të tillë e ka dhënë edhe drejtoresha e Arsimit në Komunën e Prishtinës, Shpresa Shala, duke thënë që nuk ka qenë ditë mësimi.
"Ngjarja ka ndodhur të shtunën, rastin e ka trajtuar shkolla. Të shtunën fëmijët kanë qenë duke luajtur në oborrin e shkollës. Unë s’kam pa ndonjë inçizim. Sipas drejtorisë nuk ka të bëjë as me sulm seksual, as me kurgjo. Nuk është ditë e mësimit, por është ditë e shtunë”, ka thënë drejtoresha e DKA-së Shala.
Por si duket, të dy drejtoreshat kanë harruar që me vendimin e fundit të MASHT-it, të datës 20 prill 2021, gjitha shkollat detyrohen të mbajn mësim plotësues, të shtunave.
Në vendim të MASHT të thuhet:
“Ministrja e Arsimit, Shkencës, Teknologjisë dhe Inovacionit, Arbërie Nagavci, ka nënshkruar sot vendimin për organizimin e mësimit plotësues për nxënësit që kanë ngecje në arritjen e rezultateve si pasojë e pandemisë COVID-19.
Organizimi i mësimit plotësues do të implementohet për nivelin e arsimit parauniversitar:
-Për nxënësit e nivelit të arsimit fillor (klasa I-V), mësimi plotësues do të organizohet në lëndët e gjuhës amtare dhe matematikë.
-Për nxënësit e nivelit të arsimit të mesëm të ulët (VI-IX) dhe të arsimit të mesëm të lartë (X-XII), mësimi do të organizohet në lëndët e gjuhës amtare, matematikë dhe shkenca natyrore.
Mësimi plotësues fillon nga data 3 maj 2021 në objekte shkollore dhe vazhdon deri në përfundim të vitit mësimorë 2020-2021.
Drejtoritë Komunale të Arsimit do të dorëzojnë në Inspektoratin e Arsimit planifikimet e shkollave për mësimin plotësues deri me datën 28 prill 2021, ndërsa do të raportojnë dy herë brenda muajit për mbarëvajtjen e mësimit plotësues.”
© SYRI.net
Kamberi mban takime në PE dhe KiE, diskuton diskriminimin e shqiptarëve në Luginë
Avdullah Hoti: Kurtit nuk i beson më askush
Lajçak thotë se propozoi një “dokument kompromisi” për dinarin në takimin e Brukselit
Denonco
Merrni lajmet më të fundit nga SYRI.net në çdo moment dhe kudo që të jeni!
