Në vazhdën e takimeve me përfaqësuesit e korit diplomatik në Kosovë, ministri i Mbrojtjes Armend Mehaj, priti në takim ambasadorin e Republikës së Turqisë në Kosovë, Çagri Sakar.
Me këtë rast, ambasadori Sakar, i përcolli ministrit Mehaj urimet e ministrit të Mbrojtjes të Republikës së Turqisë Hulusi Akar.
Duke e uruar personalisht për detyrën e ministrit, ambasadori Sakar i premtoi ministrit Mehaj se Turqia, si një vend mik dhe aleat i fuqishëm i Kosovës, do të vazhdojë ta mbështesë Ministrinë e Mbrojtjes dhe FSK-në, në të gjitha fushat dhe komponentët në mënyrë që t’i përmbushë me sukses të plotë synimet e saj.
Nga ana e tij, ministri Mehaj e falënderoi ambasadorin Sakar për vizitën e tij duke shprehur mirënjohjen dhe vlerësimin e lartë për Republikën e Turqisë, për ndihmën dhe mbështetjen e ofruar në ndërtimin, zhvillimin dhe avancimin e aftësive dhe kapaciteteve operacionale ushtarake të FSK-së.
Të dy u pajtuan që bashkëpunimi në nivel të ministrive të mbrojtjes të fuqizohet edhe më tej në funksion të paqes, sigurisë dhe stabilitetit rajonal e më gjerë.
© SYRI.net
Avancimi i Kosovës në NATO/ Nesho: Përpjekjet e Serbisë dhe aleatëve të saj dështuan
Përgjigjet Spanja: Situata e Palestinës ndryshon prej asaj të Kosovës
Pse Kadri Veseli theu heshtjen në seancën e djeshme në Gjykatën Speciale?
Denonco
Merrni lajmet më të fundit nga SYRI.net në çdo moment dhe kudo që të jeni!
