Kryeministri i Kosovës, Albin Kurti, në cilësinë e kryetarit të Vetëvendosjes i pati shkruar para disa mujave një letër gjyqtarit të Gjykatës Speciale, Nicolas Guillou.
Në këtë letër që bartë datën 1 dhjetor, Kurti, ka kërkuar nga Guillou që Shefi i Grupit Parlamentar të Lëvizjes Vetëvendosje, Rexhep Selimi, të lirohet me kusht.
Por, tani pas refuzimit të Gjykatës Speciale që ish-krerët e UÇK’së të gjykohen në liri, është riaktualizuar edhe letra e Kurtit dërguar gjyqtarit të Speciale.
Çfarë kishte shkruar Kurti në letër drejtuar Gjykatës Speciale.
Aty Kurti ka folur për Selimin dhe raportin me të, duke thënë se prej kur e njeh atë, ai ka qenë i përpiktë në detyrat që ka marrë përsipër.
“Rexhep Selimi si qytetar dhe shtetas i Kosovës ka treguar respektin maksimal dhe ka vepruar gjithmonë në përputhje me ligjet dhe rregullat e Republikës së Kosovës. Çdo pretendim i ngritur lidhur me faktin që ai mund ta paraqes rrezik të ikjes bie ndesh me karakterin e Rexhepit dhe përvojën tonë. Për të gjithë ata që e njohin Rexhepin (përfshirë edhe mua) është e paimagjinueshme që ai mund të kryejë një veprim të tillë”, thuhet në letrën e shkruar nga Kurti.
“Mbetem me shpresë që ju si gjyqtar do të merrni në konsideratë gjithë vlerësimin për karakterin dhe integritetin e Rexhepit kur të gjykoni mbi kërkesën e tij për lirim me kusht”, përfundon letra.
© SYRI.net
Elshani për rastin e Jablanoviqit: Policia po merret me rastin, deri më tani s’ka të arrestuar
VOA/ Çfarë synon vizita e Presidentit kinez në Serbi?
Kurti: Normalizimi i raporteve me Serbinë të mos përzihet me KiE-në
Denonco
Merrni lajmet më të fundit nga SYRI.net në çdo moment dhe kudo që të jeni!
