Misioni i OSBE-së në Kosovë shpreh shqetësim për publikimin e emrave të personave që dyshohet se janë urdhëruar të qëndrojnë në karantinë për shkak të situatës së COVID-19.
Disa portale në internet kanë publikuar sot listat me emrat, datëlindjet dhe komunat e dhjetëra banorëve, për të cilët thuhet se u është shqiptuar masa e karantinimit nga autoritetet komunale.
Ne ritheksojmë dhe nënvizojmë rekomandimet e fundit të Këshillit të Mediave të Shkruara të Kosovës (KMSHK) për të gjitha mediat për raportimin e tyre mbi situatën COVID-19 - transemton SYRI.net Kosova.
KMSHK u kërkoi mediave që të zbatojnë rreptësisht privatësinë e pacientëve dhe në asnjë rrethanë të mos e zbulojnë identitetin e të prekurve.
Të dhënat personale të secilit individ mbrohen me ligj.
Vetëm institucionet përgjegjëse mund të shpërndajnë informacione të tilla dhe pastaj vetëm në rrethana specifike siç lejohet me ligj.
Institucionet në Kosovë nuk shpërndajnë të dhëna personale të personave të prekur nga COVID, dhe po ashtu as mediat nuk duhet bërë një gjë të tillë, përcjell SYRI.net Kosova
Situata e COVID-19 bën thirrje për solidaritet dhe bashkëpunim në të gjithë shoqërinë dhe midis autoriteteve në rajon.
Ne u bëjmë thirrje portaleve në fjalë që të heqin këto lista dhe të tjerëve që të mos i shpërndajnë ato më tutje.
© SYRI.net
Kamberi mban takime në PE dhe KiE, diskuton diskriminimin e shqiptarëve në Luginë
Avdullah Hoti: Kurtit nuk i beson më askush
Lajçak thotë se propozoi një “dokument kompromisi” për dinarin në takimin e Brukselit
Denonco
Merrni lajmet më të fundit nga SYRI.net në çdo moment dhe kudo që të jeni!
