Elon Musk i dha fund lidhjes me Grimes në shtator të vitit 2021.
Ditëve të fundit kanë qarkulluar kudo thashetheme se njeriu më i pasur në botë ka nisur një lidhje të re dashurie me aktoren Natasha Basset.
Një burim pohoi për Daily Mail gjatë fundjavës se Bassett – e cila u fotografua së fundmi duke dalë nga avioni privat i Musk në Los Angeles – ishte takuar me CEO-n e Teslas për disa kohë dhe se ata ishin “miq në fillim dhe u lidhën pasi ai u nda me Grimes.”
Por kush është Natasha Bassett?
Në vitin 2017, Bassett luajti në filmin biografik të paautorizuar të jetës së Britney Spears, “Britney Ever After”. Edhe pse shumë fansa e kritikuan filmin në atë kohë, Bassett këmbënguli se filmi ishte një “histori feministe në thelbin e tij” dhe shpresonte që Spears të jepte pëlqimin e saj.
Bassett lindi në Sydney, Australi dhe mori pjesë në audicionin e saj të parë në moshën 14-vjeçare, ku mori rolin kryesor në Teatrin Australian për produksionin e të rinjve të “Romeo dhe Zhuliet”. Ndërsa ishte në shkollë të mesme, ajo u shfaq në shfaqjet televizive australiane duke përfshirë “Rake” (2010), “Cops LAC” (2010) dhe “Wild Boy” (2011).
Bassett do të luajë gjithashtu të dashurën e parë të Elvis Presley-t, Dixie Locke, në filmin biografik për mbretin e rock & roll-it. Në film marrin pjesë edhe Austin Butler dhe Tom Hanks.
Ajo ka interpretuar së bashku me George Clooney, Scarlett Johansson dhe Channing Tatum në “Hail, Caesar!” në vitin 2016.
© SYRI.net
U ftua apo jo nga BBV? Massimiliano Varrese e konfirmon me këtë video
Shfaqja surprizë e Dua Lipës, performon për herë të parë 'country'
Lumbardh Salihu dhe Kader Kicaj konfirmojnë ribashkimin e tyre
Denonco
Merrni lajmet më të fundit nga SYRI.net në çdo moment dhe kudo që të jeni!
