Rritja e pensioneve: 'Qasja e parcializuar rrezikon të shndërrohet në pengesë për reformat'

20:43, 12/01/2022

Instituti për Politika Sociale 'Musine Kokalari' ka komentuar vendimin e qeverisë për rritjen e pensioneve bazike, shkruan Syri.net Kosova.

Ky institut konsideron se çdo rritje monetare për kategoritë sociale është e vlefshme dhe më se e nevojshme. Por, ky vendim nuk i trajton pensionet në mënyrë të mirëfilltë dhe as nuk i adreson nevojat për mirëqenien e pensionistëve. 

Nga vendimi i Qeverisë shihet se:

"Rritjet aktuale nuk janë mjaftueshëm të shpjeguara, as në kuptimin e efektit të tyre aktual dhe as në qëllimet afatgjate të Qeverisë së Kosovës karshi nevojave sociale të vendit.
Qasja e parcializuar karshi problemeve dhe mangësive të shtresëzuara e të ndërlidhura, jo vetëm që nuk zgjidh ndonjë gjë, por rrezikon të shndërrohet në pengesë për reformat e thella transformuese e të nevojshme për sistemin tonë social.
Qeveria duhet ta nisë reformën pensionale në mënyrë që tërësia e saj, por edhe mënyra e veçantë e rregullimit të synojë ofrimin së paku të një standardi minimal të jetesës për qytetarët pensionistë të Kosovës. Për këtë çështje, duhet të nisë sa më parë konsultimi publik me të gjitha kategoritë e caktuara, mediat e shoqërinë civile që për kohë të gjatë ka punuar dhe avokuar për sistem të mirëfilltë pensional.", thuhet në njoftimin e institutit.

© SYRI.net

Lexo edhe:

• Banka e Shqipërisë hedh në qarkullim monedhën e re metalike 10 Lekë
• Komuna e Fushë Kosovës blen 2 mijë prezervativ, 10 cent copa
• Punonjësit e huaj largohen nga Shqipëria për shkak të kushteve të këqija të punës