Drejtori i Odës Ekonomike Amerikane, Arian Zeka, ka thënë se do të ishte mirë që dikush nga Qeveria e Kosovës të ishte i ulur në tavolinën e diskutimeve të kryeministrave që u mbajt sot në Shkup për nismën “Ballkani i Hapur”.
Ai ka deklaruar se vetëm në tavolinë mund të shtyhen para edhe interesat e Kosovës
“Oda Ekonomike Amerikane e Kosovës mbështet zotimet e Qeverisë që janë marrë me nënshkrimin e marrëveshjes se 4 shtatorit në Washington të Shteteve të Bashkuara të Amerikës, nga përfaqësues të Qeverisë së Kosovës. Njëra prej zotimeve të pashmangshme përfshin edhe angazhimin për të funksionalizuar zonën mini-shengen ose një mekanizmi të ri ekonomik”, tha Zeka në Klan Kosova.
“Oda Ekonomike beson fuqishëm në përfitimet që mund të sjell një aranzhim i tillë i ri i bashkëpunimit ekonomik rajonal. Shqetësimet e Qeverisë së Kosovës mund të jenë të arsyeshme, unë megjithatë besoj se vetëm në tavolinën e negocimit, pra vetëm në tavolinën ku ishin të ulur tre kryeministra të shteteve të Ballkanit, mund të shtyhen para edhe interesat e Kosovës. Të qëndruarit larg një nisme të tillë nuk besoj se ofron zgjidhjen e problemit”, ka thënë Zeka.
© SYRI.net
Naftëtarët drejt falimentimit i bëjnë thirrje qeverisë të marrë masa për çmimet
Banka e Shqipërisë hedh në qarkullim monedhën e re metalike 10 Lekë
Komuna e Fushë Kosovës blen 2 mijë prezervativ, 10 cent copa
Denonco
Merrni lajmet më të fundit nga SYRI.net në çdo moment dhe kudo që të jeni!
