Çfarë bën Amazon me produktet që nuk arrin t’i shesë!?

11:20, 28/06/2021

A keni menduar ndonjëherë se ku shkojnë të gjitha ato produkte që një kompani si Amazon nuk arrin t'i shesë në fund të vitit?

Shumë prej produkteve që mbarojnë nga dyqanet e Amazon çdo vit, të tilla si laptopë, TV, madje edhe maska ​​mbrojtëse covid-19, gjigandi i teknologjisë i shkatërron dhe i hedh.

Një video ekskluzive që doli në dritë në kanalin televiziv britanik ITV, tregon se si në një depo kompanie në Skoci, miliona produkte të pashitura shkatërrohen. 

Më konkretisht, kjo video tregon laptopë, televizione, bizhuteri, kufje, libra dhe madje edhe maska ​​për fytyrën duke u ngarkuar në kuti speciale të shënuara " të shkatërrohen".

Sipas BusinessInsider, një ish-punonjës i kompanisë teknologjike pranon se shumë prej produkteve që nuk arrijnë të shesin gjatë vitit, vendosen më pas në kuti speciale.

 Kutitë me produktet e shënuara " të shkatërrohen"  mblidhen nga kamionë të veçantë dhe më në fund çohen në qendrat e riciklimit, si dhe në deponi.

Punonjësve të magazinës iu dha një objektiv specifik nga Amazon - 130,000 artikuj - për shkatërrim në vetëm një javë. 

Kjo u konfirmua nga një shënim i brendshëm i transmetuar nga ITV, i cili tregoi se gjatë një jave në prill, 124,000 sende të vogla dhe të mëdha do të ishin të destinuara për "shkatërrim". 

Në të njëjtën javë, 28,000 produkte do të dhuroheshin me iniciativën e kompanisë.

Në këtë pikë vlen të përmendet se nëse 130,000 produkte shkatërrohen mesatarisht në një javë të vetme kjo do të thotë në praktikë që më shumë se 6 milion produkte shkatërrohen çdo vit nga kompania. 

Në vitin 2019, gazetarët në Francë zbuluan se Amazon shkatërroi më shumë se 3 milion produkte në një vit. 

 

© SYRI.net

Lexo edhe:

• Banka e Shqipërisë hedh në qarkullim monedhën e re metalike 10 Lekë
• Komuna e Fushë Kosovës blen 2 mijë prezervativ, 10 cent copa
• Punonjësit e huaj largohen nga Shqipëria për shkak të kushteve të këqija të punës