Një nga udhëheqësit e dyshuar të bandave më të kërkuara në Suedi u arrestua dhe u la në paraburgim në Turqi të premten gjatë një bastisjeje ndaj trafikantëve të dyshuar të drogës, në atë që policia suedeze e përshkroi si një sukses të madh në betejën kundër krimit të organizuar.
“Arrestimi është rezultat i një pune të synuar me kalimin e kohës midis sistemeve gjyqësore turke dhe suedeze”, tha policia suedeze në një deklaratë.
Deklarata nuk e identifikoi të dyshuarin, por një burim nga policia suedeze dhe transmetuesi shtetëror turk TRT Haber, thanë se ai ishte Ismail Abdo, 35 vjeç, një shtetas suedezo-turk.
Më shumë se 12 persona janë vrarë në Suedi që nga viti 2023, përfshirë nënën e Abdos, në atë që policia e ka përshkruar si një luftë bandash midis Abdos dhe një ish-aleati të tij.
TRT Haber raportoi se Abdo ishte midis 19 të dyshuarve të ndaluar si pjesë e një hetimi të madh mbi grupet e krimit të organizuar, të përfshira në trafikun ndërkombëtar të drogës dhe pastrimin e parave.
Autoritetet sekuestruan gjithashtu asete me vlerë rreth 1.5 miliardë lira turke (38 milionë dollarë). Urdhëra arresti u lëshuan për 21 të dyshuar të tjerë, katër prej të cilëve janë ende në arrati, 14 besohet se janë jashtë vendit dhe tre tashmë në paraburgim për akuza të tjera.
Në Suedi, kapja e Abdos do të japë një shtysë të madhe për policinë dhe për qeverinë e krahut të djathtë, e cila fitoi zgjedhjet e vitit 2022 me premtimin për të ndaluar një valë krimi të bandave që ka pllakosur vendin për më shumë se një dekadë./ Reuters.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vala e të nxehtit në Itali lë 5 të vdekur, 17 qytete në alarm të kuq
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme