Si i ndërton Irani 'celulat e fjetura' në Amerikë

Irani mund të ketë rënë dakord për një armëpushim në Lindjen e Mesme, por nuk do ta harrojë së shpejti poshtërimin që pësoi nga SHBA gjatë fundjavës.

Figurat e larta të administratës së Donald Trump-it kanë paralajmëruar se vendi është në rrezik nga një sulm i mundshëm nga agjentë sekretë që veprojnë përmes "celulave të fjetura", pasi presidenti amerikan bombardoi objektet bërthamore të Iranit në orët e para të së dielës.

Termi "celulë e fjetur" i referohet agjentëve të fshehtë ose terroristëve që veprojnë pa u zbuluar brenda një vendi rival, duke u përzier në sfond deri në momentin që marrin urdhër për të vepruar.

Kështu që, megjithëse tensionet në Lindjen e Mesme duket se janë qetësuar, SHBA mbetet në gjendje gatishmërie të lartë.

Ekspertët paralajmërojnë se Irani ka përfituar nga qasja e dobët ndaj sigurisë kufitare nën paraardhësit e zotit Trump për të futur kontrabandë individë të përgatitur për të shkaktuar kaos.

Pasi të kenë arritur të asimilohen në popullatë, ata synojnë të ndërtojnë rrjete, qoftë me iranianë të tjerë apo me bashkëpunëtorë kriminalë, përpara se të synojnë infrastrukturën kritike, të nxisin trazira apo të kryejnë sulme.

Gjatë udhëtimit për në samitin e NATO-s të martën, zoti Trumpdeklaroi se Joe Biden, ish-presidenti amerikan, kishte rrezikuar sigurinë kombëtare duke mos ndaluar kalimet e paligjshme kufitare.

"Biden lejoi të hyjnë shumë supercelula," tha ai, duke iu referuar me sa duket celulave fjetura. "Ai lejoi të hyjnë shumë supercelula, shumë prej tyre nga Irani. Por shpresojmë t'i zgjidhim këto."

Nga më shumë se 1500 emigrantë iranianë që janë kapur duke kaluar ilegalisht kufirin gjatë mandatit të zotit Biden në Shtëpinë e Bardhë, gjysma janë liruar brenda vendit, sipas një memorandumi të kaluar tek New York Post.

Dhe këto janë vetëm personat për të cilët qeveria ka dijeni. The Telegraph zbuloi vitin e kaluar se numri i përgjithshëm i emigrantëve që kaluan kufirin gjatë viteve të Biden-it ishte 25 për qind më i lartë sesa shifrat zyrtare, kur përfshihen edhe ata që i shpëtuan patrullës kufitare.

"Nëse jam një operativ i inteligjencës jashtë Shteteve të Bashkuara dhe shoh që mund të fus njerëz përmes kufirit, me siguri do të dërgoj asete," tha Michael Balboni, një ish-zyrtar i sigurisë kombëtare për shtetin e Nju Jorkut.

Zakonisht, këto asete do të shkonin të gjenin një lagje iraniane në ndonjë qytet amerikan për t'u përzier dhe për të gjetur një punë, ndërkohë që dërgojnë informacione vëzhgimi te agjencia e tyre kontrolluese.

"Dhe pastaj vjen sinjali për të vepruar," tha Balboni.

Pasi të jenë vendosur në SHBA, këta agjentë të huaj përpiqen të ndërtojnë rrjete, shpesh duke rekrutuar kriminelë që nuk kanë lidhje me Teheranin si mercenarë.

Vitin e kaluar, Departamenti i Drejtësisë pretendoi se FarhadShakeri, një shtetas iranian, ishte ngarkuar nga regjimi për të vrarë Trump-in si hakmarrje për vendimin e tij për të vrarë Qassim Soleimanin, komandantin e forcës elitare iraniane Quds, në vitin 2020.

Shakeri thuhet gjithashtu se ka përdorur lidhjet e tij kriminale nga koha në burg për të rekrutuar dy burra nga Nju Jorku, Carlisle "Pop" Rivera dhe Jonathon Loadholt, në një komplot për vrasje me pagesë.

Dyshja u premtua 100,000 dollarë për të organizuar vrasjen ose rrëmbimin e një viktime të paidentifikuar në Brooklyn.

Dhe në vitin 2011, një burrë iraniano-amerikan me emrin Manssor Arbabsiar u dënua për një komplot për të vrarë ambasadorin saudit teksa po darkonte në Café Milano në Washington, DC.

Arbabsiar, i cili u dënua me 25 vite burg, ofroi 1.5 milionë dollarë një burri që ai besonte se ishte anëtar i një karteli droge meksikan, në të vërtetë një agjent i qeverisë amerikane, dhe tha se nuk i interesonte nëse nga shpërthimi i planifikuar do të vriteshin edhe kalimtarë të pafajshëm.

"Ata e duan atë njeri të vdekur," raportohet se ka thënë ai, duke iu referuar kontaktuesve të tij iranianë. "Nëse qindra shkojnë me të, në djall shkofshin."

Por iranianët kanë edhe mundësi të tjera: ekspertët besojnë se ka emigrantë që mund të ndiejnë ende një ndjenjë besnikërie ndaj regjimit, sado e gabuar të jetë, ndërsa ata që kanë anëtarë të familjes në Iran mund të shantazhohen për të vepruar kundër SHBA.

Protestat anti-Izrael që kanë përfshirë kampuset universitare gjatë vitit të fundit mund të ofrojnë terren të përshtatshëm për rekrutë mes studentëve të zhgënjyer, tha Michael Rubin, një ish-zyrtar i Pentagonit dhe studiues i lartë në American EnterpriseInstitute.

Ai tha: "Ndërsa ndjenja e fajit dhe anti-amerikanizmi bëhen modë në universitetet tona elitare, është e mundur që kemi një stuhi të përsosur që çon në rekrutim."

Të dielën, Departamenti i Sigurisë Kombëtare (DHS) publikoi një buletin ku paralajmëronte për sulme nga hakerë të mbështetur nga regjimi.

Nëse këta "hakivistë" arrijnë të gjejnë materiale komprometuesepër ndonjë individ, veçanërisht për një shtetas iranian, ato mund të përdoren gjithashtu për shantazh.

Nuk është e qartë se ku mund të godasin këto celula fjetura, por ekspertët vërejnë se Irani shpesh përpiqet të hakmerret në mënyrë të ngjashme ndaj asaj që e sheh si provokim amerikan.

Pasi Trump urdhëroi vrasjen e Qassim Soleimanit në vitin 2020, Irani bëri plane për të vrarë si presidentin amerikan, ashtu edhe John Boltonin, ish-këshilltarin për sigurinë kombëtare i njohur për qëndrimet e tij të ashpra.

Dhe kur SHBA dëmtuan rëndë objektet bërthamore të Iranit në Fordow, Natanz dhe Isfahan këtë fundjavë me 14 bomba, Teherani lëshoi 14 raketa ndaj bazave amerikane, një hakmarrje që u konsiderua gjerësisht e zbehtë dhe e menduar për të mos provokuar Uashingtonin.

"Irani ka atë që unë e quaj një ndjenjë të çuditshme simetrie,"tha Thomas Warrick, një ish-zyrtar i Departamentit të Shtetit dhe studiues i lartë në Këshillin Atlantik.

"Nëse do të isha në DHS, do të shqetësohesha për uzinat dhe objektet bërthamore të SHBA, sepse Irani mund të ndërmarrë ndonjë operacion kundër tyre. Ka shumë shembuj ku Irani ka tentuar të punësojë banda kriminale për të kryer vrasje dhe veprime të ngjashme. Ata mund të përpiqen ta bëjnë këtë sërish.

"Realiteti është se Irani nuk ka mbaruar ende."

Edhe nëse Irani ka treguar se nuk mund të përballet me fuqinë ushtarake të SHBA-së, mund të ketë më shumë sukses me një formë më asimetrike të luftës.

Operacioni "Rrjeta e Merimangës" e Ukrainës, që futi dronë në territorin rus dhe shkatërroi deri në një të tretën e flotës së bombarduesve strategjikë të Rusisë, ka treguar dëmin që një kundërshtar më i vogël mund t'i shkaktojë një superfuqie.

"Amerikanët janë të marrë dhe me të verbër nëse nuk e kuptojnë se armiqtë tanë kërkojnë të na penetrojnë, dhe lufta tjetër nuk do të fillojë me një raketë ndërkontinentale apo një sulm në stilin e Pearl Harbor," tha Rubin.

"Ajo do të fillojë me celula të fjetura brenda Shteteve të Bashkuara që lëshojnë dronë ose kryejnë vrasje."

Nëse celulat e fjetura iraniane do të përpiqen të ndërmarrin sulme në SHBA, kjo do të jetë një provë për ekspertizën e sigurisë kombëtare të administratës Trump, pas largimit të figurave të larta nga agjencitë kyçe nga kabineti i ri.

Por ka gjithashtu shpresa se komentet e Trump-it për celulatfjetura do t'i bëjnë ato të gabojnë dhe të lejojnë autoritetet amerikane të ndërhyjnë.

Megjithëse askush nuk është i sigurt për thellësinë e depërtimit iranian në SHBA, shumë besojnë se ekziston një kërcënim serioz nga celulat fjetura. Dhe bombat 15-tonëshe të hedhura mbi objektet bërthamore të Iranit këtë fundjavë, ndoshta sapo i kanë zgjuar ato. / The Telegraph - Syri.net

© SYRI.net

Lexo edhe:

• Vala e të nxehtit në Itali lë 5 të vdekur, 17 qytete në alarm të kuq
• Trump: Irani po bën lëshime shumë të mëdha
• Rubio: Grupi teknik për Iranin do të ritakohet javën e ardhshme