Drejtori i agjencisë amerikane të inteligjencës, John Ratcliffe, deklaroi se vendet kryesore të programit bërthamor iranian ishin shkatërruar, ndonëse ai nuk konfirmoi se programi ishte eliminuar plotësisht.
Kjo deklaratë vjen vetëm një ditë pas publikimit të një vlerësimi paraprak nga një agjenci e inteligjencës së Pentagonit, e cila sugjeron se komponentët kryesorë të programit bërthamor të Iranit kanë mbetur të paprekur pas bombardimeve amerikane.
Presidenti Donald Trump, nga ana tjetër, insistoi në rrjetet sociale se bastisja kishte “shkatërruar” objektet bërthamore të Iranit, duke akuzuar mediat për “lajme të rreme” dhe për keqinterpretim të fakteve.
Ai njoftoi gjithashtu se Sekretari i Mbrojtjes, Pete Hegseth, së bashku me zyrtarë të tjerë ushtarakë, do të mbajnë një konferencë shtypi këtë të enjte në Pentagon, të cilën e përshkroi si “interesante dhe të pakundërshtueshme”, në mbështetje të “Dinjitetit të Pilotëve të Mëdhenj Amerikanë”.
Ngjarjet zhvillohen ndërsa Izraeli dhe Irani ndodhen në ditën e dytë të një armëpushimi të brishtë, që ka sjellë një lehtësim të përkohshëm të tensioneve në rajon.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vala e të nxehtit në Itali lë 5 të vdekur, 17 qytete në alarm të kuq
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme