Ndërsa konflikti mes Izraelit dhe Iranit hyn në ditën e tetë, vëmendja botërore është përqendruar tek Presidenti amerikan Donald Trump, i cili ka deklaruar se do të marrë një vendim për përfshirjen e mundshme të SHBA-ve në luftë brenda dy javëve të ardhshme.
Në një deklaratë të lexuar nga sekretarja e shtypit të Shtëpisë së Bardhë, Karoline Leavitt, Trump theksoi se ekziston një “mundësi e konsiderueshme për negociata” me Teheranin, duke sugjeruar se një zgjidhje diplomatike ende mund të jetë e mundur.
Megjithëse ka miratuar planet për një sulm kundër Iranit, presidenti nuk ka marrë ende një vendim për zbatimin e tyre, sipas burimeve të CBS News. Një nga skenarët në shqyrtim përfshin një sulm të mundshëm ndaj impiantit nëntokësor të pasurimit të uraniumit në Fordo – një objektiv i ndjeshëm që mund të shkatërrohet vetëm me një bombë të veçantë që e zotërojnë vetëm SHBA-të.
Shtyrja e vendimit është interpretuar si një sinjal i ndryshimit të kursit nga lideri amerikan. Telegraph raporton se Trump “duket se po e zbut qëndrimin e tij”, ndërsa Financial Times sugjeron se periudha dyjavore mund të jetë një dritare për bisedime direkte mes SHBA-së dhe Iranit.
Ndërkohë, Times e përshkruan këtë periudhë pritjeje si një “hap prapa nga pragu i greminës”, duke cituar shqetësimet në rritje të këshilltarëve të presidentit mbi rrezikun që paraqet Irani për bazat amerikane në Lindjen e Mesme.
Për botën, sytë janë tani te Trump – dhe vendimi që mund të përcaktojë drejtimin e konfliktit në ditët në vijim.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vala e të nxehtit në Itali lë 5 të vdekur, 17 qytete në alarm të kuq
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme