Një pjesë e madhe e një akullnaje në Alpet zvicerane u shkëput, duke shkaktuar rrëshqitje masive të akullit dhe shkëmbinjve drejt fshatit malor Blaten.
“Një sasi e jashtëzakonshme materiali ra në luginë,” tha Matthias Ebener, zëdhënësi i autoriteteve lokale, duke shtuar se ende nuk dihet nëse ka viktima nga kjo ngjarje.
Rrëshqitja goditi ndërtesat dhe infrastrukturën e fshatit Blaten, i cili ndodhet në luginën Letzental në jug të Zvicrës dhe numëron rreth 300 banorë.
Autoritetet kishin urdhëruar evakuimin e banorëve më 19 maj, pasi monitoronin me kujdes shpatet e malit që rrethojnë fshatin.
Një video e shpërndarë në rrjetet sociale tregon momentin dramatik të shembjes së akullnajës, ku një re e madhe pluhuri dhe mbeturinash mbulon pjesën e malit, ndërsa shkëmbinj dhe rrënoja rrëshqasin shpejt në drejtim të periferisë së fshatit.
Autoritetet vazhdojnë monitorimin e situatës dhe kanë paralajmëruar për mundësi të reja rrëshqitjesh në zonë. Syri.net-iefimerida
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vala e të nxehtit në Itali lë 5 të vdekur, 17 qytete në alarm të kuq
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme