Kancelari gjerman kërkon hapa të shpejtë për të shmangur 'urinë' në Gaza

Kancelari i ri i Gjermanisë, Friedrich Merz, u bëri thirrje të gjitha palëve të shmangin një “uri” në Gaza, e cila ka qenë nën një bllokadë ndihmash nga Izraeli që nga fillimi i marsit.

Ndërsa përsëriti se Gjermania qëndron në anën e Izraelit, Merz tha gjithashtu se “presim përpjekje për më shumë ndihma humanitare për popullsinë në Gaza, vuajtjet e së cilës i shohim, veçanërisht midis fëmijëve, grave dhe të moshuarve”.

 “Është një detyrim humanitar për të gjitha palët... dhe e theksoj, për të gjitha palët, që uria në rajon të parandalohet sa më shpejt të jetë e mundur”, i tha Merz parlamentit.

Merz tha se shpresonte që do të kishte “negociata të suksesshme për një armëpushim dhe lirimin e pengjeve” që ende mbahen nga Hamasi, përfshirë ata me kombësi gjermane.

Gjermania, e cila prej kohësh është përpjekur të shlyejë fajin për Holokaustin, ka qenë një mbështetëse e fortë e Izraelit, me të cilin shënoi 60 vjetorin e marrëdhënieve diplomatike këtë javë./ Al Arabiya English.

© SYRI.net

Lexo edhe:

• Arabia Saudite dhe SHBA diskutojnë marrëveshjen Uashington–Teheran dhe lundrimin në Hormuz
• Vala ekstreme e të nxehtit e çon sistemin shëndetësor të Francës në nivelin më të lartë të krizës
• Danimarka miraton vendosjen e misionit në Ngushticën e Hormuzit