Një numër në rritje i republikanëve po përqafojnë parullën e lëvizjes “Ta Bëjmë Amerikën Sërish Madhështore” (MAGA) të Presidentit Trump, duke nxitur një rritje të përgjithshme të numrit të amerikanëve që identifikohen me thirrjen e tij të njohur në tubime, sipas një sondazhi të ri nga NBC News.
Më shumë se 70 për qind e republikanëve të anketuar në muajin mars deklaruan se e konsiderojnë veten pjesë të lëvizjes MAGA, një rritje nga 55 për qind që ishte pak para zgjedhjeve presidenciale të nëntorit, të cilat i hapën rrugën kthimit të Trump-it në Shtëpinë e Bardhë këtë vit.
Bashkimi i Partisë Republikane rreth Trump-it dhe politikave të tij ka nxitur një orientim të përgjithshëm drejt adoptimit të emërtimit MAGA dhe ngritjes së tij në nivele të reja, zbuloi sondazhi.
Trump nuk është politikani i parë që përpiqet të shpikë sloganin “Ta Bëjmë Amerikën Sërish Madhështore”, por shkurtimi MAGA është bërë sinonim me ish-yllin e reality-show dhe me prirjet populiste të ideologjisë së tij politike që nga nisja e fushatës së tij të parë të suksesshme presidenciale gati një dekadë më parë.
Rreth 1 në 5 votues të regjistruar nga të gjitha partitë, të anketuar në janar 2024, janë identifikuar si mbështetës të MAGA-s, raportoi NBC News. Ky numër është pothuajse dyfishuar, duke arritur në pak më pak se 40 për qind, në sondazhin e kryer muajin e kaluar.
Ky ndryshim ishte i theksuar në mesin e burrave me arsim universitar, nga 21 për qind në vjeshtën e kaluar në 37 për qind në mars.
Sondazhi i NBC News, i kryer nga agjencia jopartiake e sondazheve Public Opinion Strategies, përfshiu 1000 votues të regjistruar përmes telefonit dhe internetit nga 7 deri me 11 mars. Marzhi i gabimit është 3.1 për qind. / The Hill - Syri.net
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vala e të nxehtit në Itali lë 5 të vdekur, 17 qytete në alarm të kuq
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme