Presidenti amerikan Donald Trump njoftoi të mërkurën, nënshkrimin e një urdhri "historik" për vendosjen e tarifave hakmarrëse ndaj vendeve në mbarë botën.
"Unë do të nënshkruaj një Urdhër Ekzekutiv historik që vendos tarifa reciproke për vendet në të gjithë botën. Reciproke kjo do të thotë: ata na bëjnë neve dhe ne ua bëjmë atyre," tha ai në Shtëpinë e Bardhë. "Kjo është një nga ditët më të rëndësishme, për mendimin tim, në historinë amerikane."
"Kjo do të jetë epoka e artë e Amerikës", tha Trump
Trump nis tarifat, duke thënë se tregtia globale ka 'plaçkitur dhe përdhunuar ekonominë amerikane.
Retorika agresive erdhi ndërsa Trump tregoi një gatishmëri për të çmontuar një sistem ekonomik global, që Shtetet e Bashkuara ndihmuan për të ndërtuar pas Luftës së Dytë Botërore.
“Tatimpaguesit janë grabitur për më shumë se 50 vjet”, tha Trump në një fjalim në Shtëpinë e Bardhë. "Por kjo nuk do të ndodhë më."
“Në fuqi në mesnatë ne do të vendosim një tarifë 25% për të gjitha automjetet e prodhimit të huaj”, tha Trump.
Presidenti Donald Trump po mban komente mbi planet e tij të "Ditës së Çlirimit" nga Kopshti i Trëndafilave të Shtëpisë së Bardhë, ku shpalli tarifat për partnerët tregtarë të SHBA.
Vendet dhe tarifat:
Kina - 34%
BE - 20%
Japania - 24%
Koreja e Jugut - 25%
Zvicra - 31%
MB - 10%
Tajvani - 32%
Malajzia - 24%
India - 26%
Brazili - 10%
Indonezia - 32%
Vietnami - 46%
Singapori - 10%
— Rapid Response 47 (@RapidResponse47) April 2, 2025
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vala e të nxehtit në Itali lë 5 të vdekur, 17 qytete në alarm të kuq
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme