Irani do t'i përgjigjet një letre të presidentit amerikan Donald Trump, "pas një shqyrtimi të plotë", tha të hënën zëdhënësi i Ministrisë së Jashtme Esmaeil Baghaei.
Javën e kaluar, një zyrtar i Emirateve solli një letër nga presidenti amerikan, që propozonte bisedime bërthamore me Teheranin, të cilën Udhëheqësi Suprem Ayatollah Ali Khamenei e refuzoi, duke thënë se një propozim i tillë ishte "mashtrim" nga Uashingtoni.
Udhëheqësi suprem i Iranit, Ayatollah Ali Khamenei, refuzoi të mërkurën mbajtjen e negociatave me Shtetet e Bashkuara mbi një marrëveshje bërthamore, pasi një letër u dërgua nga presidenti amerikan Donald Trump që bënte thirrje për bisedime të tilla.
Javën e kaluar, Trump tha se i kishte dërguar letrën Khameneit duke propozuar bisedime bërthamore, por gjithashtu paralajmëroi se "ka dy mënyra që Irani mund të trajtohet: ushtarakisht, ose ju bëni një marrëveshje".
Letra iu dorëzua ministrit të Jashtëm Iranian, Abbas Araqchi të mërkurën nga Anwar Gargash, këshilltar diplomatik i presidentit të Emirateve të Bashkuara Arabe.
Ndërsa Araqchi dhe Gargash po takoheshin, Khamenei i tha një grupi studentësh të universitetit se oferta e Trump për bisedime ishte "një mashtrim", raportoi media shtetërore.
"Kur ne e dimë se ata nuk do ta nderojnë atë, çfarë kuptimi ka të negociosh? Prandaj, ftesa për të negociuar ... është një mashtrim i opinionit publik," u citua të thoshte Khamenei nga media shtetërore. Khamenei tha se nuk e kishte parë ende letrën.
Khamenei tha se negociatat me administratën Trump, për të cilën ai tha se kishte kërkesa të tepërta, "do të shtrëngojë nyjën e sanksioneve dhe do të rrisë presionin ndaj Iranit"./ Reuters.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vala e të nxehtit në Itali lë 5 të vdekur, 17 qytete në alarm të kuq
Trump: Irani po bën lëshime shumë të mëdha
Rubio: Grupi teknik për Iranin do të ritakohet javën e ardhshme