Kremlini hedh poshtë planin e SHBA për armëpushim afatshkurtër me Ukrainën

Kremlini ka hedhur poshtë propozimin e SHBA-së për një armëpushim të përkohshëm në Ukrainë dhe po bën presion për një zgjidhje afatgjatë të paqes.

Yuri Ushakov, këshilltari kryesor i Vladimir Putinit për politikën e jashtme, tha se një armëpushim 30-ditor për të ndalur luftën ishte një "hap i nxituar", që "nuk është në favor të një zgjidhjeje afatgjatë".

“Kam deklaruar qëndrimin tonë se ky nuk është gjë tjetër veçse një pushim i përkohshëm për ushtrinë ukrainase, asgjë më shumë”, tha ai për mediat shtetërore ruse, duke shtuar se Rusia nuk është e interesuar për “asnjë hap, që imiton veprime paqësore”.

Pas deklaratave të tij, presidenti i Ukrainës, Volodymyr Zelensky, tha se dështimi i Rusisë për të dhënë një përgjigje "domethënëse" ndaj propozimit të armëpushimit, "dëshmon se Rusia kërkon të zgjasë luftën".

Steve Witkoff, një negociator kyç në administratën Trump, zbarkoi në Moskë më herët këtë mëngjes për bisedime me presidentin rus, i cili do të flasë për këtë çështje më vonë gjatë ditës.

Moska thuhet se i ka paraqitur SHBA-së një listë kërkesash për një marrëveshje për t'i dhënë fund luftës, të cilën Kremlini nuk e mohoi kur u pyet këtë mëngjes.

Mendohet se ato nuk përfshijnë anëtarësimin në NATO për Kievin, një marrëveshje për të mos vendosur trupa të huaja në Ukrainë dhe njohjen ndërkombëtare të Krimesë dhe katër provincave të Ukrainës si territor rus, raportoi Reuters./ The Telegraph.

© SYRI.net

Lexo edhe:

• Vala e të nxehtit në Itali lë 5 të vdekur, 17 qytete në alarm të kuq
• Trump: Irani po bën lëshime shumë të mëdha
• Rubio: Grupi teknik për Iranin do të ritakohet javën e ardhshme