‘Nuk ka më para për armë’/ Eurodeputetë italianë protestojnë në Parlamentin Evropian

Një protestë e heshtur, është mbajtur këtë të martë kundër riarmatimit të BE-së nga ish-kryeministri italian Giuseppe Conte dhe delegacioni i parlamentarëve, jashtë ambienteve të Parlamentit Evropian. Sapo eurodeputeti i M5S, Danilo Della Valle përfundoi fjalën e tij, ndërsa po vendoste një flamur paqeje në tryezën e Komisionerëve, delegacioni i Pesë Yjeve tregoi disa postera të vegjël me fjalët: "Armë mjafton", "Jo riarmatimit" dhe "Më shumë punë, më pak armë".

“Presidentja Von der Leyen do të mbahet mend si ajo që tradhtoi vlerat dhe demokracinë. Evropa pa paqe ka vdekur. Për këtë arsye e lë flamurin europian të qepur me flamurin e paqes në bankat e Komisionit. Për të mos e harruar kurrë”, me këto fjalë, Danilo Della Valle, eurodeputeti i Lëvizjes 5 Yjet, dorëzoi një flamur evropian të qepur me flamurin e paqes, në stolin bosh të zënë më parë nga Ursula Von der Leyen. 

Para se të hynin, rreth pesëdhjetë deputetë, senatorë dhe eurodeputetë të Lëvizjes 5 Yjet, së bashku me Conte, ishin mbledhur para selisë së Parlamentit Evropian në Strasburg, duke shpalosur një pankartë ku shkruhej "Nuk ka më para për armë".

“Me këtë protestë duam të sjellim para institucioneve europiane kundërshtimin e qartë të qytetarëve ndaj planit RearmEu, që parashikon një akordim deri në 30 miliardë lekë për industrinë e luftës nga Italia. Një gjakderdhje që do të çojë, me miratimin e Giorgia Melonit dhe të gjithë qeverisë së saj, në shkurtime të mëtejshme në shëndetësi, arsim, mirëqenie dhe investime për bizneset”, deklaruan ata.

"Meloni po bën edhe një shaka. Gjithçka që ajo duhet të bëjë është të ndryshojë emrin e planit të riarmatimit. Të paktën Ursula von der Leyen po nxjerr fytyrën e saj dhe po flet qartë për riarmatimin," tha presidenti i M5S, Giuseppe Conte në Strasburg.

"Sot ne përsëritëm se nuk duam një Evropë armësh, por paqeje: ne nuk mund të përballojmë një ekonomi lufte." Arkitektura e Sigurisë është ndërtuar përmes negociatave të paqes. Sot Evropa vazhdon të këmbëngulë në strategjinë e saj të dështuar. Pyes veten pse sot nuk ka BE në Riad. Nuk është e vërtetë që Europa investon më pak se Rusia, është e vërtetë që ne investojmë më keq - shpjegoi presidenti i M5-ve .

‘Nëse do të kishte qeveri serioze, ato duhet të takoheshin për javë e muaj dhe të dilnin me një projekt serioz të përbashkët të mbrojtjes, me një unitet komandimi, që nuk duan ta arrijnë. Ne po shkojmë drejt një përshkallëzimi ushtarak - shtoi ai - sot Ursula Von der Leyen po na çon drejt një ekonomie lufte. Ne nuk do të votojmë për propozimin e Ursula Von der Leyen. Ajo ka rikuperuar dimensionin e saj të kaluar, atë të luftës", theksuan më tej deputetët e Lëvizjes 5 Yjet./ ANSA.

© SYRI.net

Lexo edhe:

• Vala e të nxehtit në Itali lë 5 të vdekur, 17 qytete në alarm të kuq
• Trump: Irani po bën lëshime shumë të mëdha
• Rubio: Grupi teknik për Iranin do të ritakohet javën e ardhshme